नाला सफा गर्ने विषयकाे झगडाले एकजनाको मृत्यु, २ जना घाईते

सुरक्षा-अपराध

गृहपृष्ठ
सुरक्षा-अपराध
नाला सफा गर्ने विषयकाे झगडाले एकजनाको मृत्यु, २ जना घाईते

नाला सफा गर्ने विषयकाे झगडाले एकजनाको मृत्यु, २ जना घाईते

सोमबार, भदौ १, २०७७ बागेश्वरी पोस्ट

प्रतिकात्मक तस्बिर

नेपालगन्ज । पानीको नाला सफा गर्ने विषयमा भएको विवाद पछिको झगडाले कपिलबस्तुमा एक जनाको ज्यान गएको छ भने दूई जना घाइते भएका छन् ।

कपिलबस्तु जिल्लाको मायादेवी गाउँपालिका वडा नं. ८ निवासी ७० बर्षीय हरिराम पासीको मृत्यु भएको छ भने ६० बर्षीया सुभाबती पासी र २० बर्षका सोनु पासी गम्भीर घाइते भएका छन् ।

५ नं. प्रदेश प्रहरी प्रबक्ता एसएसपी राजकुमार बैदवारका अनुसार उनीहरुको टाउको र शरिरका विभिन्न भागमा गहिरो चोटपटक लागेको छ । घाइतेहरुको उपचार भैरहवामा भइरहेको एसएसपी बैदवारले जानकारी दिएका छन् ।

आइतवार दिउँसो पौने ३ बजेतिर पानीको नाला सफा गर्ने विषयमा मृतक हरिराम र घाइते सोनुका बीच स्थानीय २२ बर्षीय अनिल चमारसंग झैंझगडा पछि कुटाकुट भएको थियो ।

प्रहरीका अनुसार कुटपिटमा संलग्न ३० बर्षीय बिजय चमार, १९ बर्षीया माया चमार, २५ बर्षीया सरिता चमार,६१ बर्षीय बेकर चमार र ६४ बर्षीया चुकुनी चमारलाई पनि पक्राउ गरिएको छ ।

उनीहरु माथि आवश्यक अनुसन्धान भइरहेको प्रहरीले बताएको छ ।

प्रकाशित मिति: सोमबार, भदौ १, २०७७ १४:२३