५ दिनसम्म बन्धक बनाएर १६ वर्षीया किशोरीमाथि सामूहिक बलात्कार

समाचार

गृहपृष्ठ
समाचार
५ दिनसम्म बन्धक बनाएर १६ वर्षीया किशोरीमाथि सामूहिक बलात्कार

५ दिनसम्म बन्धक बनाएर १६ वर्षीया किशोरीमाथि सामूहिक बलात्कार

मंगलबार, भदौ २३, २०७७ बागेश्वरी पोस्ट

कञ्चनपुर । कञ्चनपुरमा १६ बर्षकी किशोरीमाथि ५ दिनसम्म बन्धक बनाएर बलात्कार भएको छ । आफूलाई बन्धक बनाएर सामूहिक बलात्कार भएको भन्दै ती किशोरीले इलाका प्रहरी कार्यालय बेल्डाँडीमा उजुरी दर्ता गराएकी छिन् । उनी बेल्डाँडी गाउँपालिकामा ५ मा आफ्नो मामाको घरमा बस्दै आइरहेकी थिइन् । ती किशोरी भदौ १४ गतेदेखि हराएकी थिइन् । मामाले भाञ्जी हराएको भन्दै प्रहरीलाई उजुरी दिएपछि प्रहरीले किशोरीलाई भदौ १९ गते आरा मिल नजिक फेला पारेको थियो । त्यसपछि प्रहरीले किशोरीलाई मामाको जिम्मा लगाएका थिए । तर, घटनाको केही दिनपछि किशोरीले आफूमाथि सामूहिक बलात्कार भएको भन्दै प्रहरीमा उजुरी दिएकी छन् । ‘४ जना युवाले बलात्कार गरेको भन्दै ठाडो उजुरी परेको छ’ प्रहरी स्रोतले भन्यो । ५ दिनसम्म लागूऔषध खुवाएर बन्धक बनाएर बलात्कार गरेको उजुरीमा किशोरीले उल्लेख गरेकी छन् । प्रहरीकै दबाबमा किशोरीले पहिलो दिन घटनाबारे नबताएको आरोप लागेको छ । ‘किशोरीले आफूलाई प्रहरीले दबाब दिएको भनेकी छन्’ प्रहरी स्रोतले भन्यो ‘आरोपित प्रहरीमाथि समेत कारबाही प्रक्रिया सुरु भइसकेको छ ।’ बलात्कार गरेको आरोप लागेका ४ जना अहिले फरार छन् । जिल्ला प्रहरी कार्यालय कञ्चनपुरका प्रवक्तासमेत रहेका प्रहरी नायव उपरिक्षक अमरबहादुर थापाले घटनाबारे थप अनुसन्धान भइरहेको बताउनुभयो ।

प्रकाशित मिति: मंगलबार, भदौ २३, २०७७ १९:०५

प्रतिक्रिया दिनुहोस्