कैलाली प्रहरीको हिरासतमा मृत भेटिएका युवकको शबलाई आफन्तले जिम्मा लिए

समाचार

गृहपृष्ठ
समाचार
कैलाली प्रहरीको हिरासतमा मृत भेटिएका युवकको शबलाई आफन्तले जिम्मा लिए

कैलाली प्रहरीको हिरासतमा मृत भेटिएका युवकको शबलाई आफन्तले जिम्मा लिए

शनिबार, भदौ २७, २०७७ बागेश्वरी पोस्ट

जिल्ला प्रहरी कार्यालय कैलाली

कैलाली । जिल्ला प्रहरी कार्यालय कैलालीको हिरासतमा मृत भेटिएका १९ बर्षीय युवकको शवलाई आफन्तले बुझेका छन्। उक्त रहस्यमय मृत्युको घटनाको सत्यतथ्य पत्ता लगाउन एसपीको नेतृत्वमा छानबिन समिति गठन भएपछि शुक्रबार साँझ पोस्टमार्टम गरेर आफन्तले शव बुझेको प्रहरीले जानकारी दिएको छ। भदौ २२ गते चोरी आरोपमा पक्राउ परेका धनगढी उपमहानगरपालिका ५ का १९ वर्षीय रोशन विक शुक्रबार बिहान प्रहरी हिरासतमा मृत अवस्थामा फेला परेका थिए । प्रहरीले शौचालय गएका बेला झुन्डिएर आत्महत्या गरेको बताए पनि उनका आफन्तले भने हत्या गरिएको दावी गरेका छन्। यसैबिच शुक्रबार दिउँसो मृतकका आफन्त लगायतको टोलीले आत्महत्या गरेको बिषयमा समाचार किन प्रसारण गरेको भन्दै दिनेश सञ्चार गृहमै गएर पत्रकारहरुलाई कुटपिट गरेका थिए ।

प्रकाशित मिति: शनिबार, भदौ २७, २०७७ १२:३८

प्रतिक्रिया दिनुहोस्