नेपाली राष्ट्रिय क्रिकेट खेलाडी भण्डारी दुर्घटनामा परि घाइते

समाचार

गृहपृष्ठ
समाचार
नेपाली राष्ट्रिय क्रिकेट खेलाडी भण्डारी दुर्घटनामा परि घाइते

नेपाली राष्ट्रिय क्रिकेट खेलाडी भण्डारी दुर्घटनामा परि घाइते

सोमबार, भदौ २९, २०७७ बागेश्वरी पोस्ट

नेपालगन्ज । नेपाली राष्ट्रिय क्रिकेट टोलीका सदस्य ललित सिंह भण्डारी सवारी दुर्घटनामा परि घाइते भएका छन् । धनगढीबाट महेन्द्रनगर जाँदै गरेको से १ ख १३२४ नम्बरको ट्रक र म २ प ४७०५ नम्बरको मोटरसाइकल आपसमा ठोक्किँदा आइतबार बेलुकी कञ्चनपुरमा दुर्घटना भएको हो । शुक्लाफाँटा नगरपालिका वडा नम्बर १० का वासिन्दा भण्डारी र उनका भाइ नाता पर्ने करण ठगुन्ना दुर्घटनामा घाइते भएको कञ्चनपुर प्रहरीले जनाएको छ । ठक्कर दिने ट्रकलाई प्रहरीले नियन्त्रणमा लिए पनि फरार रहेका चालकको खोजी भइरहेको प्रहरीले जनाएको छ । दुर्घटनापछि गम्भीर अवस्थामा रहेका भण्डारीलाई कोहलपुर ल्याइएको थियो। उनको हाल कोहलपुर मेडिकल अस्पतालमा रहेका छन् । उनको अवस्थामा अहिले सुधार आएको छ। चिकित्सकले उनी खतरामुक्त भएको बताएका छन् । उनका दुवै हात र खुट्टाको अप्रेशन भइरहेको समेत बताइएको छ ।

प्रकाशित मिति: सोमबार, भदौ २९, २०७७ ०९:०३

प्रतिक्रिया दिनुहोस्