संक्रमण रोक्न राष्ट्रव्यापी लकडाउन र प्रतिबन्धहरू गर्नु नपर्ने : विश्व स्वास्थ्य संगठन

स्वास्थ्य

गृहपृष्ठ
स्वास्थ्य
संक्रमण रोक्न राष्ट्रव्यापी लकडाउन र प्रतिबन्धहरू गर्नु नपर्ने : विश्व स्वास्थ्य संगठन

संक्रमण रोक्न राष्ट्रव्यापी लकडाउन र प्रतिबन्धहरू गर्नु नपर्ने : विश्व स्वास्थ्य संगठन

मंगलबार, कात्तिक ११, २०७७ एजेन्सी

एजेन्सी । विश्व स्वास्थ्य संगठन (डब्लुएचओ) ले लकडाउनबारे आफ्नो धारणामा परिवर्तन ल्याएको छ । संगठनले मानिसहरूले कोरोना भाइरसका रोकथामका उपायहरूलाई पूर्ण रूपमा पालना गर्नपर्नेमा जोड दिएको छ ।

संगठनले यसो गर्दा भाइरसको संक्रमण रोक्न विभिन्न देशहरूले लागू गरेका राष्ट्रव्यापी लकडाउन र प्रतिबन्धहरू गर्नुपर्ने आवश्यकता नरहने बताएको हो । संसारका विभिन्न देशहरुमा कोरोना संक्रमणको नयाँ लहरहरु देखा पर्न थालेपछि संगठनको यस्तो धारणा आएको हो ।

यूरोपका स्पेन, इटली, फ्रान्स लगायत विभिन्न देशहरूमा हालसालै दोस्रो चरणको लहर देखा परेरहेको छ । ती देशहरूमा फेरि प्रतिबन्धहरू लागू गरिएपछि डब्लुएचओको कोभिड–१९ सम्बन्धी डब्लुएचओकी प्राविधिक प्रमुख मरिया भान केरकोभेले भनेकी छिन्, ‘प्रतिबन्धहरूभन्दा सम्बन्धित देशहरूले अनुगमन, परीक्षण र कन्ट्याक ट्रेसिङलाई मजबुत बनाउनेतर्फ सोच्नुपर्छ ।’

गत साता विश्वभर देखिएकामध्ये ४६ प्रतिशत नयाँ संक्रमितहरू यूरोपेली देशहरूमा देखिएपछि संगठनले यूरोप कोरोनाको केन्द्रविन्दु बन्दै गएको जनाएको छ ।

प्रकाशित मिति: मंगलबार, कात्तिक ११, २०७७ ०९:४३

प्रतिक्रिया दिनुहोस्