ठूलो परिमाणमा लागुऔषधसहित दुई जनालाई पक्राउ

सुरक्षा-अपराध

गृहपृष्ठ
सुरक्षा-अपराध
ठूलो परिमाणमा लागुऔषधसहित दुई जनालाई पक्राउ

ठूलो परिमाणमा लागुऔषधसहित दुई जनालाई पक्राउ

बुधबार, कात्तिक १२, २०७७ बागेश्वरी पोस्ट

महोत्तरी । सशस्त्र प्रहरीले बुधबार महोत्तरीमा ठूलो परिमाणमा लागुऔषधसहित दुई जनालाई पक्राउ गरेको छ । पक्राउ पर्नेमा दोलखा जिल्लाको ठूलोपात गाउँपालिका–९ बस्ने असिम भूजेल र सिन्धुली जिल्लाको कमलामाई नगरपालिका बस्ने मनोज भुजेल रहेको सशस्त्र प्रहरी बल नेपाल बोर्डर आउट पोष्ट जलेश्वरका प्रहरी निरीक्षक बिर्खबहादुर शाहीले बताए ।

दुवै जना भारत बिहारको भिठ्ठामोड शहरबाट प्लास्टिकको कालो झोलामा एक हजार ५०० पिस प्रतिबन्धित लागुऔषध नाइट्राभेट बोकेर नेपाल प्रवेश गरेपछि जलेश्वर नगरपालिका–३ स्थित सडकमा सशस्त्र प्रहरीले शङ्का लागि चेक गर्दा दुवै जना पक्राउ परेका हुन् । पक्राउ परेका दुवै जनालाई आवश्यक कारबाहीका लागि जिल्ला प्रहरी कार्यालय महोत्तरीको जिम्मा लगाइएको छ ।

प्रकाशित मिति: बुधबार, कात्तिक १२, २०७७ १८:४०