पार्किङ गरेर राखेको डा. योगीको गाडी तोडफोड

समाचार

गृहपृष्ठ
समाचार
पार्किङ गरेर राखेको डा. योगीको गाडी तोडफोड

पार्किङ गरेर राखेको डा. योगीको गाडी तोडफोड

घटना हेर्दा कुनै दुश्मनीको कारण : बाँके प्रहरी

शुक्रबार, कात्तिक २९, २०७६ गौरब गिरी

नेपालगन्ज । अज्ञात समुहले नेपालगन्जमा डा. शुभाष योगीको गाडी तोडफोड गरेको छ। नेपालगन्ज वडा नम्बर ११ युनाईटेड अस्पतालको पुर्ब तर्फ जाने बाटोको डा. योगी निवास अगाडी पार्किङ गरि राखिएको जीपमा गएराती तोडफोड गरिएको छ।
बिहान क्लिनिक जान लाग्दा मात्रै थाहा पाएपछि डा. योगीले प्रहरीलाई खबर गरेका थिए। घटनास्थल पुगेको जिल्ला प्रहरी कार्यालयको टोलीका प्रहरी नायब निरीक्षक सिद्दी गणेश शाहका अनुसार यो कुनै रिसिबीले पनि हुन सक्ने बताएका छन् ।

पार्किङ स्थलमा डा. योगीको गाडी मात्रै नभएर अरु ५ वटा गाडी समेत पार्किङ गरिएको थियो। छानीछानी डा. योगीको गाडी तोडफोड गरेर गाडी भित्र रहेका सामना समेत लगिएको छ। घटना हेर्दा कुनै दुश्मनीको कारणले तोडफोड गरेर चोरी घटना देखाउनलाई गाडी भित्र रहेका सामान लगेको देखिन्छ। प्रहरीले गाडी कसले तोडफोड गर्यो भन्ने बारेमा अनुसन्धान गर्ने बताएको छ।