जयसपुर बिओपीद्वारा लाखौं रुपैयाँ बराबरका अवैध सामाग्री बरामद

सुरक्षा-अपराध

गृहपृष्ठ
सुरक्षा-अपराध
जयसपुर बिओपीद्वारा लाखौं रुपैयाँ बराबरका अवैध सामाग्री बरामद

जयसपुर बिओपीद्वारा लाखौं रुपैयाँ बराबरका अवैध सामाग्री बरामद

आइतबार, कात्तिक २३, २०७७ बागेश्वरी पोस्ट

नेपालगन्ज । सशस्त्र प्रहरीले नेपालगन्जको वडा नम्बर १६ मा रहेको सिमा नाकाबाट भारतबाट लुकाईछिपाई ल्याउदै गरेका अवैध सामाग्री बरामद गरेको छ। सशस्त्र प्रहरी बलको जयसपुर बिओपीका प्रमुख सशस्त्र प्रहरी निरीक्षक नर बहादुर सुनुवार राईको कमान्डमा गएको टोलीले गएराती साढे १० बजे भारतबाट ल्याउदै गरिएका २ लाख १९ हजार ५०० रुपैयाँ बराबरका अवैध सामाग्री बरामद गरेको सशस्त्र प्रहरी बल नम्बर ३० गण

बागेश्वरी बाँकेले जानकारी दिएको छ।

सशस्त्र प्रहरी निरीक्षक सुनुवार राईको कमान्डको टोलीले मोटरसाइकलमा लाग्ने ५५ थान ब्याट्री,बजाज मोबिल २० थान, १ बोरा बच्चाको खेलौन,खसी ३ वटा,३ पोका पानको पात, मोटरसाइकलमा प्रयोग हुने २ थान हेडलाईट,मोटरसाइकलको टेल्पाइनर १ सेट, मोटरसाइकलको भाइजर १ थान,मोटरसाइकलमा प्रयोग हुने मिटर कभर १ थान,र २० कार्टुन बल्भ जस्ता अवैध सामाग्री बरामद गरेको हो। बरामद गरिएका अवैध सामाग्रीलाई आजै भन्सार कार्यालय नेपालगन्ज पठाइएको सशस्त्र प्रहरीले जानकारी दिएको छ।

प्रकाशित मिति: आइतबार, कात्तिक २३, २०७७ १५:३१

प्रतिक्रिया दिनुहोस्