सुतिरहेकी युवतीको गोली हानी हत्या

सुरक्षा-अपराध

गृहपृष्ठ
सुरक्षा-अपराध
सुतिरहेकी युवतीको गोली हानी हत्या

सुतिरहेकी युवतीको गोली हानी हत्या

बिहीबार, कात्तिक २७, २०७७ बागेश्वरी पोस्ट

नेपालगञ्ज । रौतहटमा बुधबार राति एक युवतीको गोली हानी हत्या भएको छ । माधवनारायण नगरपालिका– ७ लौकाहा टोलका रामअयोध्या साह तेलीकी १८ वर्षीया छोरी अमृताकुमारी साहलाई अज्ञात समूहले गोली हानी हत्या गरेको प्रहरीले जनाएको छ ।

हत्या गर्नुको कारण र संलग्न समूहको अहिलेसम्म पहिचान भएको छैन । रौतहटका एसपी सिद्धिविक्रम शाहकाअनुसार ०७६ फागुनमा सर्लाहीको मधुवनगोठ निवासी रुपेश साहसँग मागी विवाह गरेकी ति महिलाको गत साउनमा सम्बन्ध बिच्छेद भएको थियो । त्यसयता उनी माइतिघरमा बस्दै आएकी थिइन् ।

अमृताकी आमा घरबाट बाहिर शौच गर्न गएको मौकामा राति ११ बजेतिर हतियारधारी समूह घरमै पसेर कन्चटमा गोली प्रहार गरेको प्रहरीले जनाएको छ ।

गोली प्रहारबाट उनको घटनास्थलमै मृत्यु भएको एसपी शाहले बताएका छन् ।

प्रकाशित मिति: बिहीबार, कात्तिक २७, २०७७ १२:५२