बैतडी बस दुर्घटना अपडेट : मृतक नौ जनाकै पहिचान खुल्यो

समाचार

गृहपृष्ठ
समाचार
बैतडी बस दुर्घटना अपडेट : मृतक नौ जनाकै पहिचान खुल्यो

बैतडी बस दुर्घटना अपडेट : मृतक नौ जनाकै पहिचान खुल्यो

शुक्रबार, कात्तिक २८, २०७७ बागेश्वरी पोस्ट

बैतडी । दशरथचन्द राजमार्गअन्तर्गत बैतडीको पाटन नगरपालिका–८ खोड्पेमा गए राति बस दुर्घटनामा परी ९ जनाको मृत्यु भएको भएको छ । मृतक ९ जनाको शनाखत भएको छ ।

बैतडीको दोगडाकेदार–६ सित्तडका २५ वर्षीय प्रहरी जवान रणबहादुर चन्द, दोगडाकेदार–६ सित्तडकै २७ वर्षीय करनसिंह ऐर, दार्चुलाको मालिकार्जुन गाउँपालिका ५ का जगन्नाथ ओझा, कञ्चनपुरको भीमदत्त नगरपालिका १० विजना धामी, कैलालीको धनगढी उपमहानगरपालिका ४ का नरेन्द्र चौधरी, धनगढी उपमहानगरपालिका १८ का ऋषिराम चौधरी, दार्चुलाको लेकम ४ का र्तकराज गिरी, दोगडाकेदार गाउँपालिकामा कार्यरत कर्मचारी कविन्द्र जोशी र कञ्चनपुरको भीमदत्त नगरपालिका–८ तिलाचौरका १५ वर्षीया किर्तिका कार्कीको सनाखत भएको बैतडीका प्रहरी प्रमुख प्रहरी नायब उपरीक्षक नारायणप्रसाद अधिकारीले जानकारी दिए ।

उनीहरुको शव परीक्षणका लागि जिल्ला अस्पतालमा राखिएको छ । उक्त दुर्घटनामा परी घाइते भएका ३४ मध्ये गम्भीर घाइते सात जनालाई धनगढी रेफर गरिएको छ भने बाँकी २७ जनाको डडेल्धुरा अस्पतालमा उपचार भइरहेको छ ।

प्रकाशित मिति: शुक्रबार, कात्तिक २८, २०७७ १२:३४