मिनी बसमा तस्करी गर्दै गरेको ५६ क्युफिट सालको काठ बरामद

सुरक्षा-अपराध

गृहपृष्ठ
सुरक्षा-अपराध
मिनी बसमा तस्करी गर्दै गरेको ५६ क्युफिट सालको काठ बरामद

मिनी बसमा तस्करी गर्दै गरेको ५६ क्युफिट सालको काठ बरामद

सोमबार, मंसिर १५, २०७७ बागेश्वरी पोस्ट

बरामद गरिएको मिनी बस र काठ

नेपालगन्ज । काठ तस्करी गर्ने गिरोहले तस्करी गरेको काठलाई वन कार्यालयले बरामद गरेको छ। मिनी बसमा ५६ क्युफिट सालको काठ तस्करी गर्दै गरेको अवस्थामा बरामद गरिएको हो।

डिभिजन वन कार्यालय रौतहटले सोमबार बिहान चन्द्रपुर १ नुनथर क्षेत्रबाट वन गस्ती टोलिले बा १ ख ६४४२ नम्बरको मिनी बसमा राखेर छिमेकी जिल्ला सर्लाही लैजाने क्रममा करिब ५६ क्युफिट सालको काठ बरामद भएको वन अधिकृत बिनोद सिंहले जानकारी दिएका छन् ।

पौराइ सब डिभिजन अन्तर्गतको वन क्षेत्रबाट चिरान गरि मिनी बसमा राखेर तस्करी गर्ने योजना तस्करहरुको रहेको भएपनि सहायक वन अधिकृत राम प्रसाद साह, सुरेश प्रसाद महतो र अधिकृत मधुकान्त सिह समेतको गस्ती टोलिले तस्करको योजना बिफल बनाएको अधिकृत सिंहले जानकारी दिएका छन् ।

काठ र मिनी बसलाई नियन्त्रणमा लिएता पनि तस्करहरु भने फरार भएका छन् ।

प्रकाशित मिति: सोमबार, मंसिर १५, २०७७ १२:२४