बेहुला बेहुली चढेको गाडी दुर्घटना हुँदा १३ जना घाइते

समाचार

गृहपृष्ठ
समाचार
बेहुला बेहुली चढेको गाडी दुर्घटना हुँदा १३ जना घाइते

बेहुला बेहुली चढेको गाडी दुर्घटना हुँदा १३ जना घाइते

बिहीबार, मंसिर १८, २०७७ बागेश्वरी पोस्ट

सांंकेतिक तस्बिर

कैलाली । बेहुला बेहुली चढेेको गाडी दुर्घटना हुँदा १३ जना घाइते भएका छन् । धनगढी –डडेल्धुरा राजमार्गको कैलालीको गोदावरी नगरपालिकाको गाईमारा सडकखण्डमा जन्ती सवार रहेको गाडी गए राति दुर्घटना हुँदा बेहुला बेहुलीसहित १३ जना घाइते भएका छन् ।

बैतडीबाट कञ्चनपुरतर्फ आउँदै गरेको सु प प्र०१००१ज१२५४नं को उक्त गाडी सडकबाट झण्डै २०० मिटर तल खेसेर भएको दुर्घटनामा बेहुला कञ्चनपुरको बेलौरी नगरपालिका–३ का २१ वर्षीय गोविन्द लुहार र बेहुली बैतडी दोगडाकेदार नगरपालिका–६ की २० वर्षीया डम्मरा लुहार घाइते भएका छन् ।

बेहुलाको टाउकोमा र बेहुलीको हातमा चोट लागेको जिल्ला प्रहरी कार्यालयका प्रवक्ता प्रहरी नायब उपरीक्षक प्रतीक विष्टले जानकारी दिए । घाइतेमध्ये दुई जनाको अवस्था गम्भीर छ ।

कैलाली प्रहरीको टोलीले घाइतेको उद्धार गरी अत्तरियास्थित पद्मा अस्पताल र धनगढीको माया मेट्रो अस्पतामा भर्ना गरेको छ ।

प्रकाशित मिति: बिहीबार, मंसिर १८, २०७७ १०:५६