तस्करी हुँदै गरिएका ५ ट्रक गोरु प्रहरी नियन्त्रणमा

सुरक्षा-अपराध

गृहपृष्ठ
सुरक्षा-अपराध
तस्करी हुँदै गरिएका ५ ट्रक गोरु प्रहरी नियन्त्रणमा

तस्करी हुँदै गरिएका ५ ट्रक गोरु प्रहरी नियन्त्रणमा

शनिबार, मंसिर २०, २०७७ बागेश्वरी पोस्ट

फाइल फोटो

नेपालगन्ज । तस्करी हुँदै गरिएका ५ ट्रक गोरु प्रहरीले नियन्त्रणमा लिएको छ। रुपन्देही प्रहरीले तस्करीका लागि पूर्वतर्फ लिएर जादै गर्दै गरिएका ५ ट्रक गोरु नियन्त्रणमा लिएको छ । ५ वटा ट्रकमा लोड गरि राखिएका १२१ गोरुलाई प्रहरीले बुटवलको अस्पताल लाइनबाट आज नियन्त्रणमा लिएको छ ।

बिशेष सूचनाका आधारमा गोरु तस्करी गरी पूर्वतर्फ लैजाँदै गरेको खबर आए लगत्तै प्रहरीले ट्रकहरु रोकेर चेकजाँच गर्दा कागजात शंकास्पद देखिएकाले ट्रक र ट्रकमा रहेका १२१ वटा गोरु नियन्त्रणमा लिएको रुपन्देही प्रहरीले जानकारी दिएको छ।

प्रहरीले गोरु तस्करीमा प्रयोग भएका ना ५ ख ५६५५, ना ८ ख ७३०२, बागमती प्रदेश ०३–००१ ख ०३३३, ना ६ ख ५७१२ र ना ५ ख ७५३९ नं को ट्रकसहित ट्रक चालकहरु बाराको निजगढ नगरपालिका ८ का ३६ वर्षीय गणेश पौडेल, बारा जितपुर सिमरा नगरपालिका १६ का ३८ वर्षीय तिलकबहादुर जिम्बा, बाराको निजगढ नगरपालिका ९ का ५२ वर्षीय शम्भु भट्टराई, मकवानपुरको हेटौडा १४ का ३० वर्षीय लक्ष्मण दनै र र बारा निजगढ नगरपालिका ९ का ३२ वर्षीय नवराज कार्कीलाई नियन्त्रणमा लिएर थप अनुसन्धान भइरहेको प्रहरीले जानकारी दिएको छ ।

नियन्त्रणमा लिएका सबै गोरुलाई पशु क्वारेन्टाइन भैरहवामा पठाइएको रुपन्देही प्रहरीले जानकारी दिएको छ। ।

प्रकाशित मिति: शनिबार, मंसिर २०, २०७७ १८:०२

प्रतिक्रिया दिनुहोस्