नेपालगन्जको भेरी प्राबिधिक प्रहरी बिटमा महिला प्रहरीको खाँचो

सुरक्षा-अपराध

गृहपृष्ठ
सुरक्षा-अपराध
नेपालगन्जको भेरी प्राबिधिक प्रहरी बिटमा महिला प्रहरीको खाँचो

नेपालगन्जको भेरी प्राबिधिक प्रहरी बिटमा महिला प्रहरीको खाँचो

बुधबार, मंसिर २४, २०७७ बागेश्वरी पोस्ट

फाइल फोटो

नेपालगन्ज । नेपालगन्जको वडा नम्बर १२ मा रहेको भेरी प्राबिधिक चोकमा रहेको प्रहरी बिटमा महिला प्रहरी नहुदा समस्या रहदै आएको छ। भेरी प्राबिधिक बिटमा अहिले ३ पुरुष प्रहरी जवान र एक जना प्रहरी हवल्दार रहेका छन्।

भेरी प्राबिधिक बिटमा रहेका पुरुष प्रहरीलाई कुनै पनि महिलालाई नियन्त्रणमा लिन असहज रहदै आएको छ । नियम अनुसार कुनै पनि महिलालाई पक्राउ गर्न महिला प्रहरी नै आबश्यक हुन्छ तर पनि त्यस बिटमा रहेका पुरुष प्रहरीले जसोतसो कार्य गर्दै आएको नेपालगन्ज १२ का अध्यक्ष बुद्दि सागर सुबेदीले बताए। अध्यक्ष सुबेदीले महिला प्रहरीको लागि जिल्ला प्रहरी कार्यालयमा कुरा गर्ने बताए। यस्तै त्यहाँका स्थानियहरुले पनि महिला प्रहरीको आबश्यकता रहेको बताउछन् ।

जिल्ला प्रहरीले भेरी प्राबिधिक बिटमा एक जना महिला प्रहरीलाई कसेकम १० बजे देखि ५ बजे सम्म खटाउदा असल हुने एक स्थानियले बताए। कुनै महिलाले गलत कार्य गरेमा त्यस बिटमा रहेका पुरुष प्रहरीले सम्झाएर जिल्ला प्रहरी पठाउदै आएका छन्। तर कति गलत कार्य गर्ने महिला कटेरी हुने हुदाँँ पक्राउ गर्न महिला प्रहरी नै आबश्यक रहेको स्थानियहरु बताउछन।

यतिमात्रै नभई प्रहरी बिटमा कतिपय महिलाहरु आफ्नो महिला सम्बन्धी समस्या ल्याउने हुँदा पुरुष प्रहरीले भन्दा महिला प्रहरीले समस्या सम्बन्धी कुरा गर्न सक्ने भएकाले पनि महिला प्रहरीको खाँचो रहेको बुझिन्छ।

समग्रमा भेरी प्राबिधिक प्रहरी बिटमा महिला प्रहरी नहुँदा धेरै समस्या हुने गरेको छ। आशा गरौ स्थानियहरुको मागलाई सम्बन्धित निकायले बेलैमा सम्बोन्धन गर्नेछ।

प्रकाशित मिति: बुधबार, मंसिर २४, २०७७ १३:०५

प्रतिक्रिया दिनुहोस्