कैलाली मोटरसाइकल दुर्घटनामा एक जनाको मृत्यु,तीन घाइते

समाचार

गृहपृष्ठ
समाचार
कैलाली मोटरसाइकल दुर्घटनामा एक जनाको मृत्यु,तीन घाइते

कैलाली मोटरसाइकल दुर्घटनामा एक जनाको मृत्यु,तीन घाइते

बिहीबार, मंसिर २५, २०७७ बागेश्वरी पोस्ट

सांकेतिक तस्बिर

धनगढी । कैलालीमा भएको मोटरसाइकल दुर्घटनामा एक जनाको मृत्यु भएको छ। दुर्घटनामा परि तीन जना घाइते भएका छन् । दुर्घटनामा गम्भीर घाइते भएका धनगढी उपमहानगरपालिका १९ का १९ बर्षीय पुरन बोहोराको उपचारका क्रममा नेपालगन्ज मेडिकल कलेज कोहलपुरमा मृत्यु भएको प्रहरीले जानकारी दिएको छ। प्रहरीका अनुसार पूर्वपश्चिम राजमार्ग अन्तरगत गौरीगंगा नगरपालिका ३ को कुचैनीमा से १ प ५५७८ र से ६ प ३७११ को मोटरसाइकल एकआपसमा ठोक्किएका हुन् । मृतक बोहरा से १ प ५५७८ नम्बरको मोटरसाइकलमा सवार थिए। त्यस्तै से १ प ५५७८ नम्बरको मोटरसाइकल चालक धनगढी उपमहानगरपालिका १७ का २१ रमेश बोहोराको कोहलपुरमै उपचार भइरहेको प्रहरीले जानकारी दिएको छ। से ६ प ३७११ को मोटरसाइकल चालक धनगढी उपमहानगरपालिका १५ का २१ बर्षीय हुकुमसिंह खत्री र सोही मोटरसाइकलमा सवार २२ बर्षीय निलु चौधरीको पनि घाइते भएका छन्। घाइते दुई जनाको धनगढीको मायामेट्रो अस्पतालमा उपचार भइरहेको प्रहरीले जानकारी दिएको छ।

प्रकाशित मिति: बिहीबार, मंसिर २५, २०७७ ०९:३१

प्रतिक्रिया दिनुहोस्