बाँके प्रहरीको पहलमा अगैयामा दुई वटा सिसीटिभी जडान

सुरक्षा-अपराध

गृहपृष्ठ
सुरक्षा-अपराध
बाँके प्रहरीको पहलमा अगैयामा दुई वटा सिसीटिभी जडान

बाँके प्रहरीको पहलमा अगैयामा दुई वटा सिसीटिभी जडान

असइ चन्दले सर्हानिय कार्य गर्दै

मंगलबार, पुस १४, २०७७ बागेश्वरी पोस्ट

सिसीटिभी कंट्रोलबाट निगरानी गर्दै असइ राम बहादुर चन्द

अगैया( बाँके )। बाँके प्रहरी प्रमुख प्रहरी उपरीक्षक ओम बहादुर रानाको पहलमा राप्तीसोनारी गाउँपलिकाको अगैयामा दुई वटा सिसीटिभी क्यामरा जडान भएको छ।

राप्तीसोनारीको अगैयामा बढीरहेको बाक्लो बस्ती र राजमार्ग सुरक्षाका लागि राप्तीसोनारी गाउँपालिकाको सहयोगमा दुई वटा सिसीटिभी जडान गरिएको बाँके प्रहरी प्रमुख रानाले बताए।

अगैया बजार चोकमा राखिएका सिसीटिभीको मुख्य कंट्रोल भने प्रहरी चौकी अगैयामा राखिएको प्रहरी चौकीका प्रमुख प्रहरी सहायक निरीक्षक (असइ)राम बहादुर चन्दले बताए। अगैयामा सिसीटिभी जडान गरिएसंंगै यहाँको सुरक्षा बाताबरण राम्रो भएको प्रहरी सहायक निरीक्षक चन्दले बताए। प्रहरी सहायक निरीक्षक चन्द अगैया प्रहरीको कमान्ड सम्हालेपछि सर्हानिय कार्य गर्दै आएका छन् ।

प्रहरी चौकीको उचित ब्यबस्थापनदेखि उनले समाजमा एक असल प्रहरी इन्चार्जको जिम्मेवारी बहन गर्दै आएका छन् । गलतलाई गलत र सहिलाई सहि भन्ने प्रहरी सहायक निरीक्षक चन्दले आफ्नो मातहत पर्ने सबै स्थानमा प्रहरी र जनताबिच सुमधुर सम्बन्ध स्थापित गर्दै आएका छन् ।

प्रकाशित मिति: मंगलबार, पुस १४, २०७७ १५:१०