पुर्वमन्त्री बस्नेत विरुद्ध फेसबुकमा स्ट्याटस लेखेर पक्राउ परेका चन्दलाई रिहा गर्न कांग्रेसको माग

सुरक्षा-अपराध

गृहपृष्ठ
सुरक्षा-अपराध
पुर्वमन्त्री बस्नेत विरुद्ध फेसबुकमा स्ट्याटस लेखेर पक्राउ परेका चन्दलाई रिहा गर्न कांग्रेसको माग

पुर्वमन्त्री बस्नेत विरुद्ध फेसबुकमा स्ट्याटस लेखेर पक्राउ परेका चन्दलाई रिहा गर्न कांग्रेसको माग

बिहीबार, पुस १६, २०७७ बागेश्वरी पोस्ट

नेपालगन्ज । पुर्वमन्त्री महेश बस्नेत विरुद्ध फेसबुकमा स्ट्याटस लेखेको आरोपमा बाँकेका एक जना ब्यक्ति पक्राउ परेका छन् । नेकपा नेता तथा पूर्व मन्त्री महेश बस्नेत र नेपाल प्रहरीका पुर्व प्रमुख सर्वेन्द्र खनालका विरुद्ध स्ट्याटस लेखेको आरोपमा नेपाली काँग्रेस बाँकेका क्रियासिल सदस्य डिल्लीबहादुर चन्दलाई पक्राउ गरिएको छ । चन्दले झन्डै ७/८ महिना पहिले बस्नेत र खनालले सांसद अपहरण गरेको बारेमा सामाजिक सञ्जालमा स्ट्याटस लेखेका थिए । त्यही स्ट्याटस लेखेको आरोपमा नेपालगञ्ज उपमहानगरपालिका वडा नं १८ का चन्दलाई पुस १४ गते राति पक्राउ गरिएको छ । गोर्खाज फाइनान्समा डिउटी बसेका चन्दलाई त्यहीबाट पक्राउ गरिएको चन्दको पारिवारीक स्रोतले जनाएको छ । यसैबीच, नेपाली काँग्रेस बाँकेले एक बिज्ञप्ति प्रकाशित गरि घटनाबारे गम्भीर ध्यानकर्षण भएको जनाएको छ । बाँके कांग्रेसका उपसभापति सुनिल नरसिंह राणाले चन्दको अबस्था तत्काल सार्वजनिक गर्न, परिवार र आफन्त संग सम्पर्क गराउन र बिनासर्त रिहा गर्न उपसभापति राणनाले माग गरेका छन् । उपसभापति राणाले गिरफ्तार गरि बेपत्ता पारिएका चन्दको अवस्था सार्वजनिक नगरिए कडा कदम चाल्न बाध्य हुने चेनावनी पनि दिएका छन् । नेता बस्नेत नेपालगन्जमा आइसकेपछि चन्दलाई त्यति लामो समय पछि पक्राउ गर्नुमा प्रहरीको स्वार्थ रहेको बुझिएको छ।

प्रकाशित मिति: बिहीबार, पुस १६, २०७७ १६:१५

प्रतिक्रिया दिनुहोस्