नेपालगन्जमा मोटरसाइकल चोरी बढ्दैै

सुरक्षा-अपराध

गृहपृष्ठ
सुरक्षा-अपराध
नेपालगन्जमा मोटरसाइकल चोरी बढ्दैै

नेपालगन्जमा मोटरसाइकल चोरी बढ्दैै

आइतबार, पुस १९, २०७७ बागेश्वरी पोस्ट

नेपालगन्ज । नेपालगन्जमा मोटरसाइकल चोरीका घटना बढ्दै गएको छ । मोटरसाइकल चोरी गर्ने गिरोहले घरमै राखिएका मोटरसाइकल समेत चोरी गर्दै आएका छन् । नेपालगन्ज १२ बस्ने सुन्दर गुरुङका छोराले चढ्ने गरेको कालोमा निलो धर्का भएको १५० सीसीको भे १० प ३५३४ नम्बरको पल्सर बाइक भृकुटीनगरबाट चोरी भएको छ । गए राती ८ देखि ९ बजेको समयमा मोटरसाइकल चोरी भएको थियो । आफन्तीको घरमा जादा घर अगाडि राखिएको मोटरसाइकल चोरी भएको गुरुङले बताए । केही दिनअघि पत्रकार जीवन पाण्डेको घरबाटै मोटरसाइकल चोरी भएको थियो । गेटको ढोकामा भित्रबाट चुुक्कुल लगाएर भित्र राखिएको मोटरसाइकल राती चोरी भएको पाण्डेले बताए । भृकुटीनगरका चन्द्र श्रेष्ठको पनि मोटरसाइकल चोरी भएको छ । पछिल्लो दिनमा नेपालगञ्जमा मोटरसाइकल चोरीका घटना बढेका छन् । जिल्ला प्रहरी कार्यालय, बाँकेमा मोटरसाइकल चोरी भएपछि उजुरी दिन जाने पीडितको संख्या बढिरहेको छ । केही केहिको अन्तरालमा ५ वटा मोटरसाइकल चोरी भएको प्रहरीमा उजुरी परेपछि प्रहरीले खोजी कार्य जारी राखेको छ।

प्रकाशित मिति: आइतबार, पुस १९, २०७७ १४:०८

प्रतिक्रिया दिनुहोस्