कटुवा पेस्तोलसहित बाँकेको डुडुवा गाउँपालिकाबाट एक जना पक्राउ

सुरक्षा-अपराध

गृहपृष्ठ
सुरक्षा-अपराध
कटुवा पेस्तोलसहित बाँकेको डुडुवा गाउँपालिकाबाट एक जना पक्राउ

कटुवा पेस्तोलसहित बाँकेको डुडुवा गाउँपालिकाबाट एक जना पक्राउ

विभिन्न अभियुक्तहरु सार्वजनिक

सोमबार, पुस २०, २०७७ बागेश्वरी पोस्ट

नेपालगन्ज । जिल्ला प्रहरी कार्यालय बाँकेले पेस्तोलसहित एक जनालाई पक्राउ गरेको छ । प्रहरीले बाँके डुडुवा गाउँपालिका १ का दिपक कुमार चौधरीलाई कटुवा पेस्तोलसहित पक्राउ गरेको हो । चौधरीलाई जिल्ला प्रहरीको टोलीले आफ्नै पसलमा बसेको अवस्थामा कम्मरमा लुकाइराखेको कटुवा पेस्तोलसहित पक्राउ गरेको जनाएको छ । उनलाई जिल्ला प्रहरीले आज गरेको पत्रकार सम्मेलन मार्फत् सार्बजनिक गरेको हो । बाँके प्रहरीले अन्य मुद्दाका विभिन्न अभियुक्तहरुलाई समेत सार्वजनिक गरेको छ । नेपालगन्ज- ८ का विपिन बस्नेतलाई नेपालगन्ज ४ तन्नु पान पसल अगाडि रोकिराखेको मोहम्मद जसगरको भे १० प ४७८९ नम्वरको मोटरसाइकल चोरेको अभियोगमा पक्राउ गरेर थप अनुसन्धान भइरहेको बाँके प्रहरीले बताएको छ । त्यस्तै डुडुवा गाउँपालिका १ खडैंचाका राहुल गुप्ता र रुपैडियाका सकिल खानलाई भारतीय नम्वर प्लेटको मोटरसाइकलमा १ लाख ३० हजार मूल्य बराबरको अवैध सामग्री नेपालगन्ज ल्याउँदै गर्दा बाँके प्रहरीले पक्राउ गरेको जानकारी दिएको छ । यसैगरी समय-समयमा हराएका ५५ थान मोबाइल फेला पारेर सम्बन्धित ब्यक्तिलाई प्रहरीले हस्तान्तरण गरेको जनाएको छ । यौन दुरुपयोगको मुद्दामा अदालतबाट ६ महिना कैद सजाय पाएर फरार भएका नेपालगन्ज १ बस्ने आकाश सार्कीलाई पक्राउ गरिएको छ । उनलाई २०७५ साल फागुन २९ गते अदालतले दोषी ठहर गरेको थियो । बाँके प्रहरीमा प्रमुख भई एसपी ओम बहादुर राना आएसँगै धमाधम विभिन्न अपराधिक घटनाका अभियुक्तहरु पक्राउ पर्दै आएका छन् ।

प्रकाशित मिति: सोमबार, पुस २०, २०७७ १८:३२

प्रतिक्रिया दिनुहोस्