बाँके प्रहरी प्रमुख राना सफल बन्दै,धमाधम समातिदै फरार अपराधी

सुरक्षा-अपराध

गृहपृष्ठ
सुरक्षा-अपराध
बाँके प्रहरी प्रमुख राना सफल बन्दै,धमाधम समातिदै फरार अपराधी

बाँके प्रहरी प्रमुख राना सफल बन्दै,धमाधम समातिदै फरार अपराधी

शुक्रबार, पुस २४, २०७७ बागेश्वरी पोस्ट

एसपी ओमबहादुर राना

नेपालगन्ज । बाँकेमा प्रहरीलाई एकपछि अर्को सफलता मिल्दै गएको छ । बाँके प्रहरी प्रमुख प्रहरी उपरीक्षक ओम बहादुर रानाले बाँके जिल्लाको कमाण्ड सम्हाले लगत्तै प्रहरीलाई सफलता मिलेको हो ।

नेपाल प्रहरीमा एक अब्बल प्रहरी अधिकारीको छवि बनाएका राना आएसंगै मोष्ट वाण्टेड अपराधी पक्राउ पर्नेदेखि अन्य सफलता हासिल भइरहेको छ। दोषी नउम्कियोस् र निर्दोषले अनाहकमा कहिल्यै पनि सजाय नपाओस् भन्ने सोचका साथ काम गर्ने प्रहरी अधिकारीमा पर्छन्, प्रहरी उपरीक्षक राना ।

बाँकेको शान्ति सुरक्षालाई चुस्त बनाउदै गएका प्रहरी उपरीक्षक रानाले धामाधम अपराधी पक्राउ गर्दै आएका छन् । प्रहरी उपरीक्षक रानाको टोलीले अदालतबाट फैसला भएर पनि फरार रहेका ३ सय ८५ जना अपराधीलाई पक्राउ गरेको छ । जिल्ला प्रहरी बाँकेको कमान्ड सम्हालेको ६ महिना १८ दिनमा प्रहरी उपरीक्षक ओमबहादुर रानाले ४ सय ८० जना फरार अपराधी पक्राउ गर्न सफल भएका छन् । यति छोटो समयमा यति धेरै फरार अपराधी पक्राउ गर्ने प्रहरी प्रमुखमा प्रहरी उपरीक्षक राना देशकै पहिलो नम्बरमा परेका छन् । प्रहरी उपरीक्षक रानाले सबै फरार अपराधीलाई पक्राउ गरेर छोडने बताउछन् । प्रहरी उपरीक्षक रानाको कमान्डले मोस्ट वान्टेडको सूचीमा रहेका अपराधीलाई पनि पक्राउ गर्न सफल भएको छ।

बाँके प्रहरीले पक्राउ गरेकामध्ये अदालतमा मुद्दा मुलतबीमा रहेका ४१ र अदालतमा मुद्दा विचाराधीन अवस्थामा रहेका अभियुक्त ५२ जना रहेका छन् । बाँकेलाई अपराधमुक्त बनाउने सोचमा अघि बढेका प्रहरी उपरीक्षक रानालाई बाँकेबासीले समेत साथ दिन जरुरी छ।

प्रकाशित मिति: शुक्रबार, पुस २४, २०७७ १२:५४

प्रतिक्रिया दिनुहोस्