लुम्बिनी प्रहरीद्वारा जातीय छुवाछुत तथा बालविवाह विरुद्ध अभियान संचालन

सुरक्षा-अपराध

गृहपृष्ठ
सुरक्षा-अपराध
लुम्बिनी प्रहरीद्वारा जातीय छुवाछुत तथा बालविवाह विरुद्ध अभियान संचालन

लुम्बिनी प्रहरीद्वारा जातीय छुवाछुत तथा बालविवाह विरुद्ध अभियान संचालन

मंगलबार, पुस २८, २०७७ बागेश्वरी पोस्ट

नेपालगन्ज । लुम्बिनी प्रदेश प्रहरीले जातीय छुवाछुत तथा बालविवाह रोकथामका लागि तीन महिने अभियान शुरु गरेको छ । आइतबारदेखि अभियान सुरु भएको हो । अभियान अन्तर्गत् समुदायमा हुने जातीय छुवाछुत तथा बालविवाह जस्ता अपराध नियन्त्रण गर्न सचेतनामूलक कार्यक्रम तथा अन्तरक्रिया, छलफल, पर्चा र पम्पलेट वितरण, कानुनी प्रावधानबारे जानकारी तथा विद्यालयस्तरमा समेत प्रशिक्षण प्रदान गरिने प्रदेश प्रहरी कार्यालयका प्रवक्ता प्रहरी बरीष्ठ उपरिक्षक राजकुमार बैदवारले बताउनुभयो । यो अभियानको मुख्य उद्देश्य समाजमा हुने जातीय छुवाछुत तथा वालविवाह जस्ता अपराधको रोकथाम तथा नियन्त्रण कार्यमा सहयोग पुर्याई जातीय विभेद तथा बालविवाह मुक्त समाजको सिर्जना गर्नु रहेको प्रहरी बरीष्ठ उपरिक्षक बैदवारको भनाई छ। चैत्र महिनाम्म चल्ने यो अभियानको अवधिभर कम्तिमा ३ सय ९० वटा कार्यक्रमहरु सञ्चालन हुनेछन् । प्रदेश प्रहरीले यसअघि पनि लैङ्गिक हिंसा, जातीय छुवाछुत तथा विभेद अन्त्यका लागि विशेष अभियान चलाएको छ । प्रहरीले सार्वजनिक सवारी साधन र सार्वजनिक स्थानमा हुने यौनजन्य दुव्र्यवहार विरुद्ध विशेष अभियान समेत चलाएको छ । यौनजन्य दव्र्यवहार विरुद्धको कार्यलाई नियन्त्रण गरी सुरक्षित, सभ्य र महिला तथा बालबालिकामैत्री वातावरणको सिर्जना गर्नका विशेष अभियान थालिएको प्रवक्ता बैदवारले बताउनुभयो । यसका लागि यौनजन्य दुव्र्यवहार विरुद्धको कार्ययोजना २०७७ सञ्चालन गरिएको छ । फागुनसम्म चल्ने अभियानले सार्वजनिक यातायातमा महिला तथा बालबालिकामैत्री वातावरण निर्माण गर्ने अपेक्षा गरिएको छ ।

प्रकाशित मिति: मंगलबार, पुस २८, २०७७ १४:०८

प्रतिक्रिया दिनुहोस्