चेतन मानन्धर हत्यामा संलग्न थप दुई फरार अभियुक्त पक्राउ

सुरक्षा-अपराध

गृहपृष्ठ
सुरक्षा-अपराध
चेतन मानन्धर हत्यामा संलग्न थप दुई फरार अभियुक्त पक्राउ

चेतन मानन्धर हत्यामा संलग्न थप दुई फरार अभियुक्त पक्राउ

मंगलबार, पुस २८, २०७७ बागेश्वरी पोस्ट

नेपालगन्ज । बाँके प्रहरीले हत्यामा संलग्न भई फरार रहेका दुई जनालाई पक्राउ गरेको छ । २०७२ साल असार २८ गते चेतन मानन्धरको हत्यामा संलग्न भएका नेपालगन्जका हरि वली र विवाद पाठकलाई प्रहरीले पक्राउ गरेको हो । जिल्ला प्रहरी कार्यालय बाँकेले आज पत्रकार सम्मेलन गरेर दुई जनालाई सार्वजनिक गरेको छ । नेपालगन्ज १२ सुर्खेतरोडमा २०७२ साल असार २८ गते नेपालगन्ज ८ का २८ वर्षीय मानन्धरको हतियार प्रहार गरी हत्या गरिएको थियो । उक्त घटनामा संलग्न नेपालगन्ज १८ का ३० वर्षीय वली र ३१ वर्षीय पाठकलाई उच्च अदालत तुलसीपुरको नेपालगन्ज इजलासले आजीवन कैद सजाय तोकेको थियो । त्यस लगत्तै उनीहरु फरार थिए । त्यस्तै लाठी प्रहार गरी भाईको हत्या गरेका नरैनापुरका इसराइल खाँ पनि पक्राउ परेका छन् । नरैनापुर गाउँपालिका ४ का ३० वर्षीय खाँले १७ वर्षीय भाई रहिसको हत्या गरेका थिए । आपसी रिसिवीमा उनले बारिसी बाबा सामुदायिक वनमा भाईको हत्या गरेको बाँके प्रहरी प्रमुख एसपी ओमबहादुर रानाले बताउनुभयो । यस्तै ४ ग्राम ९ सय ६० मिलीग्राम ब्राउन सुगरसहित विराट भनिने पदम मल्ल पक्राउ परेका छन् । राँझा विमानस्थलबाट मुगु छायाँनाथ नगरपालिका २ का २४ वर्षीय मल्ललाई ४ ग्राम ९ सय ६० मिलीग्राम ब्राउनसुगर सहित पक्राउ गरिएको हो । त्यस्तै भन्सार छली चोरी पैठारी गरी ल्याइएको १० वटा खच्चर नेपालगन्ज १२ संसानघाटबाट बरामद गरिएको प्रहरी प्रमुख रानाले बताउनुभयो ।

प्रकाशित मिति: मंगलबार, पुस २८, २०७७ १६:२६

प्रतिक्रिया दिनुहोस्