एक आपसमा मोटरसाइकल ठोक्किदा दुई जनाको मृत्यु,दुई घाइते

समाचार

गृहपृष्ठ
समाचार
एक आपसमा मोटरसाइकल ठोक्किदा दुई जनाको मृत्यु,दुई घाइते

एक आपसमा मोटरसाइकल ठोक्किदा दुई जनाको मृत्यु,दुई घाइते

शुक्रबार, माघ २, २०७७ बागेश्वरी पोस्ट

सांकेतिक तस्बिर

महेन्द्रनगर । मोटरसाइकल दुर्घटना हुँदा दुई जनाको मृत्यु भएको छ।। कञ्चनपुर जिल्लाको पूर्व–पश्चिम राजमार्ग अन्तर्गत कृष्णपुर नगरपालिका ५ आम्खैयामा बिहीबार राति मोटरसाइकल एकआपसमा ठोक्किँदा दुई जनाको मृत्यु भएको हो। दुर्घटनामा दुई जना घाइते भएको जिल्ला प्रहरी कार्यालय कञ्चनपुरले जानकारी दिएको छ । दुर्घटनामा से ६ प ३१६७ नम्बरको मोटरसाइकल चालक धनगढीको गोदावरी राइसमिल नजिक बस्ने २५ वर्षीय आशिष जोशी र सुप प्र ०१–००–७१५७ नम्बरको मोटरसाइकल चालक कृष्णपुर नगरपालिका २ वाणीका ३५ वर्षीय जनक बोहराको मृत्यु भएको जिल्ला प्रहरी कार्यालयले जानकारी दिएको छ । प्रहरीका अनुसार दुर्घटनामा गम्भीर घाइते जोशीको धनगढीस्थित निशंर्ग अस्पताल र बोहराको सेती प्रादेशिक अस्पतालमा मृत्यु भएको हो । सोही मोटरसाइकल दुर्घटनामा परी कैलालीको लम्कीचुहा नगरपालिकाका २३ वर्षीय निश्चल राठोर र अभिषेक चुनारा घाइते भएका छन् । प्रहरीका अनुसार घाइतेहरुको धनगढीमा उपचार भइरहेको छ ।

प्रकाशित मिति: शुक्रबार, माघ २, २०७७ ०९:११

प्रतिक्रिया दिनुहोस्