नेपालगन्जको जस्मिन ज्वैलर्समा चोरी

सुरक्षा-अपराध

गृहपृष्ठ
सुरक्षा-अपराध
नेपालगन्जको जस्मिन ज्वैलर्समा चोरी

नेपालगन्जको जस्मिन ज्वैलर्समा चोरी

मंगलबार, माघ ६, २०७७ बागेश्वरी पोस्ट

नेपालगन्ज । नेपालगन्जको एक सुन पसलमा चोरी भएको छ । नेपालगन्जको न्यूरोडमा रहेको जस्मिन ज्वैलर्समा गएराति चोरी भएको हो ।

बागेश्वरी मन्दिर प्रवेश गर्ने पूर्वीद्वार अगाडि रहेको जस्मिन ज्वैलर्स रहेको घरको पछाडिपट्टि झ्यालबाट चढेका चोरले सिढीको माथि रहेको टिनलाई काटेर भित्र पसी सटर फाडेको छ । सुन पसलमा चोरी गरेपछि चोर पछाडिबाट नै डोरीको सहायताले तल ओर्लेको देखिन्छ ।

खुर्सिद अहमदले सञ्चालन गरेको सुन पसलमा चोरी भएको आज विहान पत्ता लागेको हो । विहान पसल खोल्न आउँदा चोरी भएको थाहा भएको हो । त्यसपछि प्रहरीलाई खबर गरिएको छ । प्रहरीको उपस्थितिमा कति र के–के चोरी भयो बुझ्ने काम भइरहेको छ । नेपालगञ्जमा केही समययता चोरीका घटनामा बढोत्तरी भएको पाइएको छ ।

घटनाबारे अनुसन्धान सुरु गरिएको बाँके प्रहरीले जानकारी दिएको छ ।

प्रकाशित मिति: मंगलबार, माघ ६, २०७७ १०:०३

प्रतिक्रिया दिनुहोस्