बाँकेमा मापदण्ड बिपरित नदिजन्य पदार्थ बोकेर गुडेका ट्याक्टर परे फन्दामा

सुरक्षा-अपराध

गृहपृष्ठ
सुरक्षा-अपराध
बाँकेमा मापदण्ड बिपरित नदिजन्य पदार्थ बोकेर गुडेका ट्याक्टर परे फन्दामा

बाँकेमा मापदण्ड बिपरित नदिजन्य पदार्थ बोकेर गुडेका ट्याक्टर परे फन्दामा

मंगलबार, माघ ६, २०७७ बागेश्वरी पोस्ट

नेपालगन्ज । बाँके ट्राफिकले राप्ती नदीबाट मापदण्ड बिपरित नदिजन्य पदार्थ बोकेर ल्याउदै गरेका ट्याक्टरहरुलाई नियन्त्रणमा लिएर कारबाही गरेको छ। जिल्ला ट्राफिक प्रहरी कार्यालय बाँकेको निर्देशनमा अस्थाई ट्राफिक प्रहरी पोष्ट फुल्टेक्राले मापदण्ड बिपरित राप्ती नदीबाट क्षमता भन्दा बढी नदिजन्य पदार्थ बोक्ने ट्याक्टरहरुलाई नियन्त्रणमा लिई बढी भएको माल अनलोड गर्न लगाएको छ। ट्राफिक नियम उल्लंघन गर्दै नियम बिपरित नदिजन्य पदार्थ बोकेर यस पटकलाई अनलोड गर्न लगाइएको ट्राफिक प्रहरी बाँकेले जानकारी दिएको छ। आजलाई यति गरिएको छ, अब आइन्दा यस्तो कार्य दोहरिएपछि कारबाही गरिने बाँके ट्राफिकले बताएको छ। डुडुवा गाउँपालिकाको कम्दीस्थित राप्ती नदीको पुल हुँदै सोही बाटो नदिजन्य पदार्थ बोकेर आउने ट्याक्टर लगायत टिपरले सडकको अवस्था समेत बेहाल गरिरहेको अवस्थामा बाँके ट्राफिकले यस्ता कार्य गर्ने सवारीसाधनलाई कारबाही गरिने जनाएको छ।

प्रकाशित मिति: मंगलबार, माघ ६, २०७७ १९:२३