नरैनापुरका बिओपीले तस्करहरुको निद्रा हराम गर्दै, धमाधम अवैध सामग्री बरामद

सुरक्षा-अपराध

गृहपृष्ठ
सुरक्षा-अपराध
नरैनापुरका बिओपीले तस्करहरुको निद्रा हराम गर्दै, धमाधम अवैध सामग्री बरामद

नरैनापुरका बिओपीले तस्करहरुको निद्रा हराम गर्दै, धमाधम अवैध सामग्री बरामद

बिहीबार, माघ ८, २०७७ बागेश्वरी पोस्ट

नेपालगन्ज । बाँकेको नरैनापुर गाउँपालिकामा सशस्त्र प्रहरीले तस्करी विरुद्ध धावा बोलेको छ । नरैनापुरका सशस्त्र प्रहरी बिओपीहरुले तस्करहरुको कडा निगरानीपछि लुकीछिपी ल्याउँदै गरेका अवैध सामग्री धमाधम बरामद गरेका छन् । सशस्त्र प्रहरीको गंगापुर बिओपीले भारतबाट ल्याउँदै गरेको अवैध कपडा, गियर आयल, चप्पल, काजु, पसलका सामग्री कडा कुहिरोमा समेत बरामद गरेको छ । आज बिहान गंंगापुर बिओपीका प्रमुख सशस्त्र प्रहरी निरिक्षक बिरेन्द्र जिसीको कमाण्डको टोलीले नरैनापुर गाउँपालिकाको वडा नम्बर ५ र ६ को सीमा नाकाबाट उक्त अवैध सामग्री बरामद गरेको हो । बरामद गरिएका अवैध सामग्री आजै नेपालगन्ज भन्सार बुझाइएको छ ।त्यस्तै सशस्त्र प्रहरीको नरैनापुर बिओपीले पनि तस्करको हावा फुस्काई दिएको छ । नरैनापुर बिओपीका प्रमुख सशस्त्र प्रहरी निरिक्षक नरेश बाटाको कमाण्डमा गएको टोलीले नरैनापुर गाउँपालिकाको वडा नम्बर ३ को सीमा नाकाबाट भारतबाट ल्याउँदै गरेको अवैध ६४ पिस लेडिज साडी बरामद गरेको छ । ठूलो परिमाणमा बरामद गरिएका अवैध साडीलाई नरैनापुर बिओपीले आजै नेपालगन्ज भन्सार बुझाएको सशस्त्र प्रहरी बल नम्बर ३० गण बागेश्वरी बाँकेले बताएको छ । सशस्त्र प्रहरीले अवैध सामग्री बरामद गर्न थालेपछि तस्करहरु सुस्त हुँदै गएका छन् । सशस्त्र प्रहरी अधिकारीहरु भन्छन्-"तस्करले यो बुझ्न जरुरी छ कि सुरक्षा निकाय उनीहरु भन्दा एक कदम अघि छ । तस्करहरुले कडा कुहिरो र अत्यन्त जाडोमा समेत सशस्त्र प्रहरीले गस्ती गर्न छोड्दैनन् भन्ने हेक्का राख्न जरुरी छ ।"

प्रकाशित मिति: बिहीबार, माघ ८, २०७७ २१:०४