रेडपाण्डाको छालासहित कोहलपुरबाट तीन जना पक्राउ

सुरक्षा-अपराध

गृहपृष्ठ
सुरक्षा-अपराध
रेडपाण्डाको छालासहित कोहलपुरबाट तीन जना पक्राउ

रेडपाण्डाको छालासहित कोहलपुरबाट तीन जना पक्राउ

बुधबार, माघ १४, २०७७ बागेश्वरी पोस्ट

कोहलपुर । बाँकेमा आज दुर्लभ वन्यजन्तु रेडपाण्डाको अवैध छालासहित तीन जना पक्राउ परेका छन् । इलाका प्रहरी कार्यालय कोहलपुरले रेडपाण्डाको छालासहित कोहलपुर १२ चप्परगौडीस्थित एक होटलबाट तीन जनालाई पक्राउ गरेको जनाएको छ ।

रेडपाण्डाको छालाको अवैध कारोबार भइरहेको भन्ने सूचनाको आधारमा लुम्बिनी प्रदेश प्रहरी ब्युरो र इलाका प्रहरी कार्यालय कोहलपुरको संयुक्त टोलीले सुर्खेतको भेरीगंगा नगरपालिका १० का ४० वर्षीय दलबहादुर शाही, जाजरकोटको जुनिचाँदे गाउँपालिका ११ का ११ वर्षीय धनबहादुर शाही र सल्यान कुपिण्डेदह नगरपालिका ४ का ३३ वर्षीय भरत बहादुर पुनलाई पक्राउ गरेको हो ।

प्रहरीले होटलको ११३ नम्बर कोठा खानतलासी गर्ने क्रममा झोलामा लुकाइराखेको अवस्थामा दुई थान रेडपाण्डाको छाला बरामद गरेको जनाएको छ ।

प्रकाशित मिति: बुधबार, माघ १४, २०७७ १७:२६

प्रतिक्रिया दिनुहोस्