कुसुम प्रहरीको सक्रियतामा बालबिवाह न्यूनीकरण कार्यक्रम

सुरक्षा-अपराध

गृहपृष्ठ
सुरक्षा-अपराध
कुसुम प्रहरीको सक्रियतामा बालबिवाह न्यूनीकरण कार्यक्रम

कुसुम प्रहरीको सक्रियतामा बालबिवाह न्यूनीकरण कार्यक्रम

बिहीबार, माघ १५, २०७७ बागेश्वरी पोस्ट

नेपालगन्ज । बाँकेको कुसुममा प्रहरीले बालविवाह न्यूनीकरण गर्ने उद्देश्यले विद्यार्थीहरुका लागि अभिमुखीकरण कार्यक्रम गरेको छ । इलाका प्रहरी कार्यालय कुसुमको आयोजनामा त्यहाँस्थित कुसुमेश्वर माविका कक्षा ९ र १० का विद्यार्थीहरुलाई अभिमुखीकरण गरिएको हो । समाजमा विद्यमान बालविवाह अन्त्यका लागि सचेतना जगाउँदै विद्यार्थीहरुलाई बालविवाह विरुद्ध जागरुक गर्न अभिमुखीकरण गरिएको इलाका प्रहरी कार्यालय कुसुमका प्रमुख प्रहरी नायब निरिक्षक श्याम अर्यालले बताउनुभयो । ८० जना विद्यार्थी सहभागी अभिमुखीकरणमा प्रहरी नायब निरिक्षक अर्यालले बालविवाह के हो, बालविवाह गर्दा कस्तो कानुनी सजाय हुन्छ, बालविवाहले पार्ने असर र बालविवाह न्यूनीकरणमा विद्यार्थी तथा अभिभावकको भूमिका लगायतका विषयमा सहजीकरण गर्नुभएको थियो ।

प्रकाशित मिति: बिहीबार, माघ १५, २०७७ २०:०६