गाई मारेको अभियोगमा नेपालगन्ज नगर प्रहरी निरिक्षकसहित १० जनालाई कैद

सुरक्षा-अपराध

गृहपृष्ठ
सुरक्षा-अपराध
गाई मारेको अभियोगमा नेपालगन्ज नगर प्रहरी निरिक्षकसहित १० जनालाई कैद

गाई मारेको अभियोगमा नेपालगन्ज नगर प्रहरी निरिक्षकसहित १० जनालाई कैद

बिहीबार, माघ १५, २०७७ बागेश्वरी पोस्ट

नेपालगन्ज । जिल्ला अदालत सुर्खेतले गौहत्या प्रकरणमा दोषी ठहरिएका १० जनालाई कैद सजाय सुनाएको छ ।

अदालतले नेपालगन्ज उपमहानगरपालिकाका नगर प्रहरी निरिक्षक सूर्यबहादुर बोगटीसहित १० जनालाई गौहत्यामा दोषी ठहर गरेको हो । अदालतले उनीहरूलाई तीन महिनादेखि डेढ वर्षसम्म जेल सजाय तोकेको छ ।

२०७६ भदौ १३ गते नेपालगन्ज उपमहानगरपालिकाले दैलेख पठाएका २९१ ओटा गाई मध्ये ३७ वटा गाईहरु सुर्खेतका विभिन्न ठाउँमा मृत फेला परेका थिए ।

जिल्ला अदालतका न्यायाधीश डा. राजेन्द्र कुमार आचार्यको एकल इजलासले बुधबार मुलुकी अपराध संहिताको २८९ बमोजिम गौहत्याका आरोपीमध्ये १० जनालाई तीन महिनादेखि १६ महिनासम्मको कैद सजाय तोकेको हो ।

नगर प्रहरी निरिक्षक सूर्यबहादुर बोगटीलाई १ बर्ष ६ महिना, नगर प्रहरी सहायक निरिक्षक विकास गौतमलाई १ वर्ष, नगर प्रहरी जवान चन्द्रबहादुर राना, सुशान्त शाही, सुवर्ण तारामी मगर र कमल बयकलाई ६/६ महिना कैदको फैसला भएको श्रेष्तेदार यमप्रसाद बाँस्कोटाले जानकारी दिनुभयो ।

यस्तै उपमहानगरपालिकाद्वारा सञ्चालित काञ्जीहाउसका कर्मचारी पवनकुमार कनोजियालाई ५ महिना र कर्मचारीद्वय राकेश भारती र धर्मेन्द्र नेपालीलाई ३/३ महिनाको कैद सजाय सुनाइएको छ । यस्तै नगरपालिकाका फायरम्यान कमल थापा मगरलाई पनि ३ महिनाको कैद सजाय सुनाइएको उल्लेख छ ।

गौहत्यामा प्रतिवादी बनाइएका ढुवानी सञ्चालकसहित सात जनाले भने सफाई पाएका छन् ।

प्रकाशित मिति: बिहीबार, माघ १५, २०७७ २१:०६

प्रतिक्रिया दिनुहोस्