अनुसन्धान सहायक सूचक प्रविण थापा हत्या प्रकरणमा ६ जना पक्राउ

सुरक्षा-अपराध

गृहपृष्ठ
सुरक्षा-अपराध
अनुसन्धान सहायक सूचक प्रविण थापा हत्या प्रकरणमा ६ जना पक्राउ

अनुसन्धान सहायक सूचक प्रविण थापा हत्या प्रकरणमा ६ जना पक्राउ

आइतबार, माघ १८, २०७७ बागेश्वरी पोस्ट

फाइल फोटो

नेपालगन्ज । जिल्ला प्रहरी बाँकेले राष्ट्रिय अनुसन्धान बाँकेका सहायक सूचक प्रविन थापा मगर हत्या घटनामा ६ जनालाई पक्राउ गरेको छ ।

बाँके प्रहरीको पहलमा महानगरीय अपराध महाशाखा काठमाडौंको टोलीले नेपालगन्ज ६ का १८ वर्षीय विवेक परियारलाई भक्तपुरबाट पक्राउ गरेसँगै उनको बयानका आधारमा थप अरु पक्राउ परेका हुन् । घटनाका अभियुक्त परियार दिएको बयानका आधारमा जिल्ला प्रहरी बाँकेले नेपालगन्ज वसपार्कका ३ जना र कैलालीबाट २ जनालाई शनिबार पक्राउ गरेको प्रहरी स्रोतले जानकारी दिएको छ ।

पक्राउ परेका युवाहरु सबै लागुऔषध प्रयोगकर्ता भएको हुन सक्ने प्रहरीले अनुमान गरेको छ । गत माघ २ गते नेपालगन्ज काँरकादोको पूर्व तर्फको खेतमा प्रविणको शव फेला परेको थियो । बाँके प्रहरीले पत्रकार सम्मेलन गरेर घटनाबारे बिस्तृतरुपमा जानकारी दिने तयारी गरेको छ ।

प्रकाशित मिति: आइतबार, माघ १८, २०७७ १४:०२

प्रतिक्रिया दिनुहोस्