बन्दका नाममा गरिबको सानो चिया पसलसमेत तोडफोड

सुरक्षा-अपराध

गृहपृष्ठ
सुरक्षा-अपराध
बन्दका नाममा गरिबको सानो चिया पसलसमेत तोडफोड

बन्दका नाममा गरिबको सानो चिया पसलसमेत तोडफोड

बिहीबार, माघ २२, २०७७ बागेश्वरी पोस्ट

नेपालगन्ज। नेकपाको प्रचण्ड-नेपाल समूहका कार्यकर्ताले बन्दको नाममा एउटा सानो चिया पसल समेत तोडफोड गरेका छन्। एउटा गरिब परिवारले संचालन गरेको सानो चिया पसललाई बन्दको उल्लंघन गरेको भन्दै विराटनगरमा तोडफोड गरेका छन् ।

बन्दको बेला चिया पसल खोलेको भन्दै उनीहरुले चिया पसललाई आज दिउँसो तोडफोड गरेका हुन् । समोसा पकाउन तयारी अवस्थामा राखिएको तेल कराही घोप्टिँदा तातो तेलको छिट्टाले पसल सञ्चालक ४० वर्षीया बसन्ती सहनी र उनकी छोरी २२ वर्षीया बबिता सहनी घाइते भएका छन् ।

छोरी बबिता ६ महिनाकी सुत्केरी हुन् ।कार्यकर्ताहरुले बनाउन तयारी अवस्थामा राखिएका खाने सामान पनि फ्यालेर नष्ट गरिदिएका छन् । यता जिल्ला प्रहरी मोरङले चिया पसल तोडफोड घटनामा संलग्न भएकालाई कारबाही गरिने जानकारी दिएको छ ।

प्रकाशित मिति: बिहीबार, माघ २२, २०७७ १५:१०