नेपालगञ्जमा १५ वर्षीया छात्रामाथि बलात्कार प्रयास

सुरक्षा-अपराध

गृहपृष्ठ
सुरक्षा-अपराध
नेपालगञ्जमा १५ वर्षीया छात्रामाथि बलात्कार प्रयास

नेपालगञ्जमा १५ वर्षीया छात्रामाथि बलात्कार प्रयास

बुधबार, माघ २८, २०७७ बागेश्वरी पोस्ट

फाइल फोटो

नेपालगन्ज । बाँकेमा एक १५ वर्षीया छात्रामाथि विद्यालयबाट फर्कँदै गर्दा होटलमा लगेर बलात्कारको प्रयास भएको छ ।

नेपालगन्ज उपमहानगरपालिकाको एक सामुदायिक विद्यालयको ९ कक्षामा पढ्ने छात्रा घर फर्कंदै गर्दा स्थानीय युवाले आफूसँग नगए चक्कु देखाएर मार्ने धम्की दिँदै नेपालगन्ज बसपार्कस्थित एक होटलमा लगेर बलात्कारको प्रयास गरेको पीडित परिवारले जनाएको छ ।

‘केही बोलिस् भने तँलाई मारिदिन्छु । चुप लागेर मसँग हिंँड् भन्दै होटलसम्म लग्यो । बलात्कार गर्न नसकेपछि ज्यान मार्ने उद्देश्यले सांघातिक आक्रमण गरेको हो’, आफन्तले भने, ‘मुख, ओठ र घाँटीमा जुत्ता र मुड्की प्रहार भएको छ । घटनाको ४ दिनसम्म पनि मुखमा जुत्ताको डाम नै थियो । डोरीले घाँटी कसेर, नाक, कान र मुख नाकबाट रगत आएपछि अचेत अवस्थामा मर्‍यो भनेर केटा भागेको छ ।’

घटना १६ माघ दिउँसोको हो । तीन दिन अघि छात्राकी आमाले जिल्ला प्रहरी कार्यालय बाँकेमा किटानी जाहेरी दिएपछि मात्र घटना सार्वजनिक भएको हो । जिल्ला प्रहरी कार्यालय बाँकेका मुद्दा फाँटका प्रहरी निरीक्षक ईश्वरदेव गिरीले पीडित छात्राकी आमाले जबरजस्ती करणी उद्योग र ज्यान मार्ने उद्योगमा किटानी जाहेरी दिएको बताउनुभयो ।

अभियुक्त फरार रहेकाले खोजी गरिरहेको प्रहरीले जनाएको छ । पीडित बालिकालाई भेरी अस्पतालमा उपचार गरेर अहिले एउटा गैरसरकारी संस्थाको सेल्टरमा राखिएको छ । अन्नपूर्णपोष्ट

प्रकाशित मिति: बुधबार, माघ २८, २०७७ ०६:४३

प्रतिक्रिया दिनुहोस्