निर्माण हुंँदै गरेको नहर भत्किंँदा दुई जनाको मृत्यु

समाचार

गृहपृष्ठ
समाचार
निर्माण हुंँदै गरेको नहर भत्किंँदा दुई जनाको मृत्यु

निर्माण हुंँदै गरेको नहर भत्किंँदा दुई जनाको मृत्यु

शनिबार, फागुन १, २०७७ बागेश्वरी पोस्ट

सांकेतिक तस्बिर

नेपालगन्ज । निर्माण हुदै गरेको नहर भत्किदा दुई जनाको मृत्यु भएको छ। मृत्यु हुनेहरुमा मजदुर रहेका छन्। दार्चुलाको अपिहिमाल गाउँपालिका ६ सितोलाको मज्जे भन्ने स्थानमा निर्माणाधीन नहरको पर्खाल भत्किएको हो।

मार्मा गाउँपालिका १ का अन्दाजी ४५ वर्षीय बल्देब महर र अपिहिमाल गाउँपालिका ५ सैगन्ना बस्ने ३७ वर्षीया गिता धामीको काम गर्ने क्रममा नहर भत्किएर घटना स्थलमोई मृत्यु भएको नहर निर्माण समितिका अध्यक्ष धनसिंह धामीले जानकारी दिएका छन् ।

अपिहिमाल गाउँपालिकाको वडा नम्बर ६ राङपाङ खोलाबाट सोही वडाको मज्जे भन्ने स्थानमा निर्माण भइरहेको मज्जे खोला लघु जलविद्युत आयोजनाको नहर निर्माण गर्ने क्रममा पर्खाल भत्केर उनीहरुको मृत्य भएको उनले बताए । ७/८ मिटर उचाईसम्म निर्माण भइरहेको नहरको बिच भाग एक्कासी भत्किंदा नहर निर्माणमा संलग्न डकर्मी महर र सहयोगी धामी हुत्तिएर तल खोलामा खसेको उनले बताए ।

उनीहरुसंग काम गरिरहेका अन्य दुई जना भागेर बाच्न सफल भएका छन् । नहर निर्माणमा करिव २०/२५ जना कामदारहरु काम गरिरहेका भएपनि उनीहरु आसपासको क्षेत्रमा रहेको बुझिएको प्रहरीले बताएको छ । घट्ना बिहान ११ बजेतिर भएको हो ।

प्रकाशित मिति: शनिबार, फागुन १, २०७७ १६:३८