डुडुवाका प्रमुख प्रशासकीय अधिकृतलाई जोडेर आएको समाचारप्रति ध्यानाकर्षण

सुरक्षा-अपराध

गृहपृष्ठ
सुरक्षा-अपराध
डुडुवाका प्रमुख प्रशासकीय अधिकृतलाई जोडेर आएको समाचारप्रति ध्यानाकर्षण

डुडुवाका प्रमुख प्रशासकीय अधिकृतलाई जोडेर आएको समाचारप्रति ध्यानाकर्षण

आइतबार, फागुन २, २०७७ बागेश्वरी पोस्ट

नेपालगन्ज । बाँकेको डुडुवा गाउँपालिकाका प्रमुख प्रशासकीय अधिकृत पर्शुराम उपाध्यायले आफूलाई जोडेर प्रकाशित समाचारप्रति आफ्नो र आफू कार्यरत कार्यालयको गम्भीर ध्यानाकर्षण भएको बताउनुभएको छ ।

आज एक प्रेस विज्ञप्ती निकालेर उपाध्यायले आफ्नो श्रीमतीका बारेमा पूर्व सचिव भिम उपाध्याय र केही अनलाइन मिडियाहरुले प्रकाशित गरेको समाचारका विषयमा प्रष्टीकरण दिनुभएको छ।

आफ्नो सचिवालयको भान्से पदमा कार्यरत महिला आफ्नै श्रीमती भएको बताउँदै उहाँले उनी उक्त पदमा नियुक्त हुँदा एकल नारी रहेको र स्वतन्त्र प्रतिष्पर्धाबाट छनौट भएको उल्लेख गर्नुभएको छ । आफू पनि एकल पुरुष भएकाले एकले अर्कोलाई स्वीकार गरेर उनीसंग पछि विवाह गरेको उल्लेख गर्दै उपाध्यायले दु:खमा रहेकी एकल महिलालाई कार्यालय प्रमुख जस्तो मान्छेले स्वीकार गरेको विषय समाचारमा आउनुपर्नेमा गलत कोणबाट समाचार प्रेषित हुनु खेदजनक र दु:खपूर्ण भएको विज्ञप्तीमा उल्लेख गर्नुभएको छ । उहाँले उक्त समाचार सच्चिने विश्वास ब्यक्त गर्नुभएको छ ।

"मेरो धर्मपत्नीमाथि अश्लील शब्द र गालीगलौज गरी अनावश्यक मनसाय व्यक्त गर्ने कर्मचारीहरुले सजायको उन्मुक्तिबाट बच्नको लागि गरिएको मिडिया प्रोपोगन्डा र गलत प्रचारवाजीको घोर भत्सर्ना गर्दै नारी अस्मितामा धावा बोल्ने र कुत्सित मनसाय ब्यक्त गर्नेहरुको कार्यालयको तर्फबाट बुझ्ने काम भइरहेको र कसैले कानुन विपरित गरिरहेको पाइएमा कानुनी कार्वाहीको दायरामा ल्याउने काम गरिने व्यहोरासहित पीडित पक्षलाई आश्वत पार्न चाहन्छु," विज्ञप्तीमा भनिएको छ ।

उहाँले आफ्नो धर्मपत्नी भान्से पदमा कार्यरत रहँदासम्म आउने तलब भत्ताबाट विभिन्न चार विद्यालयमा खोलिएको अक्षयकोष र अब खोलिने अक्षयकोषका लागि दान गर्ने निर्णय भएको उल्लेख गर्नुभएको छ ।

हेर्नुहोस् विज्ञप्ती