नेपालगन्जमा मोटरसाइकल दुर्घटनामा थप एकको मृत्यु, एक जना गम्भीर घाइते

सुरक्षा-अपराध

गृहपृष्ठ
सुरक्षा-अपराध
नेपालगन्जमा मोटरसाइकल दुर्घटनामा थप एकको मृत्यु, एक जना गम्भीर घाइते

नेपालगन्जमा मोटरसाइकल दुर्घटनामा थप एकको मृत्यु, एक जना गम्भीर घाइते

आइतबार, फागुन ९, २०७७ बागेश्वरी पोस्ट

नेपालगन्ज । नेपालगन्जमा मोटरसाइकल दुर्घटनामा थप एक जनाको मृत्यु भएको छ ।

नेपालगन्ज वडा नम्बर २२ मा पर्ने नहरपुर्वामा अत्याधिक गतिमा गुडेको भे १० प ८०५१ नम्बरको मोटरसाइकल बिजुलीको पोलमा ठोक्किँदा एक जनाको मृत्यु भएको जिल्ला प्रहरी कार्यालय बाँकेले जानकारी दिएको छ । मोटरसाइकल दुर्घटनामा मृत्यु हुनेमा नेपालगन्ज रानीतलाऊका १७ बर्षीय सैफु अन्सारी रहेको प्रहरीले बताएको छ ।

दुर्घटनामा मोटरसाइकल सवार अर्का एक जना गम्भीर घाइते भएका छन् । गम्भीर घाइते भएका उनको नेपालगन्ज मेडिकल कलेजको आइसियुमा उपचार भइरहेको प्रहरीले बताएको छ । उक्त मोटरसाइकलले शनिबार राती साढे ८ बजे कुकुरलाई ठोकेर बिजुलीको पोलमा ठोक्किएको प्रहरीले जानकारी दिएको छ ।

उक्त घटना अघि पनि शनिबार दिउँसो फुल्टेक्रामा मोटरसाइकलले साइकललाई ठक्कर दिँदा साइकलयात्रीको मृत्यु भएको थियो ।

प्रकाशित मिति: आइतबार, फागुन ९, २०७७ १५:२४