दुई हुण्डी कारोबारी पक्राउ

सुरक्षा-अपराध

गृहपृष्ठ
सुरक्षा-अपराध
दुई हुण्डी कारोबारी पक्राउ

दुई हुण्डी कारोबारी पक्राउ

मंगलबार, फागुन ११, २०७७ बागेश्वरी पोस्ट

नेपालगन्ज । धनुषा प्रहरीले साढे २५ लाख रकमसहित दुई हुण्डी कारोबारीलाई पक्राउ गरेको छ ।

मङ्गलवार विशेष सूचनाको आधारमा जिल्ला प्रहरी कार्यालय धनुषाबाट खटिएका प्रहरी टोलीले जिल्लाकै जटही नाकाबाट अवैध रकमसहित उनीहरूलाई पक्राउ गरेको धनुषाका प्रहरी उपरीक्षक (एसपी) प्रकाश रानाभाटले जानकारी गराए ।

पक्राउ पर्नेमा महोत्तरी निवासी सञ्जय साह र भारतका विहार राज्य पिपरौन निवासी सुमित यादव रहेका छन् ।

जनकपुरबाट भारतीय नम्बर प्लेटको मोटरसाइकल चढी स्रोत नखुलेका रकम रु. २५ लाख ५० हजारसहित भारत जाँदै गर्दा धनुषाको जटहीमा पक्राउ परेको उपरीक्षक भाटले जानकारी दिए। पक्राउ परेको रकमसहित दुवै जनालाई थप अनुसन्धानका लागि राजश्व अनुसन्धान कार्यालय पथलैया पठाएका हुन् ।

प्रकाशित मिति: मंगलबार, फागुन ११, २०७७ १७:५९

प्रतिक्रिया दिनुहोस्