बाँकेमा १० किलो तौलको हात्तीको दाँतसहित एक जना पक्राउ

सुरक्षा-अपराध

गृहपृष्ठ
सुरक्षा-अपराध
बाँकेमा १० किलो तौलको हात्तीको दाँतसहित एक जना पक्राउ

बाँकेमा १० किलो तौलको हात्तीको दाँतसहित एक जना पक्राउ

बिहीबार, फागुन १३, २०७७ बागेश्वरी पोस्ट

नेपालगन्ज । बाँकेबाट प्रहरीले हात्तिको दाँतसहित एक जनालाई पक्राउ गरेको छ ।

जिल्ला प्रहरी बाँकेबाट खटिएको टोलीले दश किलो तौल भएको हात्तिको दाँतसहित वैजनाथ गाउँपालिका वडा नम्बर २ तिलकपुर वस्ने पुर्ण बहादुर थारुलाई पक्राउ गरेको प्रहरीले जानकारी दिएको छ ।

थारुले वन्यजन्तुको कारोबार गर्ने गरेको भन्ने बिशेष सूचनाको आधारमा प्रहरीको टोलीले उनको घरमा गएर खानतलासी गर्दा घर पछाडीको मन्दिर नजिक रहेको शौचालयको सेफ्टी ट्यांकी नजिक निलो प्लाष्टिकले लपेटी सेतो बोरामा राखेको अवस्थामा हात्तिको दाँत बरामद गरेको हो ।

प्रहरीका अनुसार थारुलाई बुधबार पक्राउ गरिएको हो । पक्राउ परेका थारुलाई आबश्यक कारबाहीका लागि जिल्ला बन कार्यालय नेपालगन्जमा पठाईएको जिल्ला प्रहरी बाँकेले जानकारी दिएको छ ।

प्रकाशित मिति: बिहीबार, फागुन १३, २०७७ १८:५१

प्रतिक्रिया दिनुहोस्