न्यायाधीशकी श्रीमती ब्राउनसुगरसहित तुलसीपुरबाट पक्राउ

सुरक्षा-अपराध

गृहपृष्ठ
सुरक्षा-अपराध
न्यायाधीशकी श्रीमती ब्राउनसुगरसहित तुलसीपुरबाट पक्राउ

न्यायाधीशकी श्रीमती ब्राउनसुगरसहित तुलसीपुरबाट पक्राउ

आइतबार, फागुन १६, २०७७ बागेश्वरी पोस्ट

इलाका प्रहरी कार्यालय तुलसीपुर

नेपालगन्ज। प्रहरीले लागूऔषध ब्राउनसुगरसहित एक जना महिलालाई पक्राउ गरेको छ।

तुलसीपुर उपमहानगरपालिका ५ स्थित ४२ बर्षीया तुलसा पोखरेलको घरबाट २ ग्राम २२ मिलिग्राम ब्राउनसुगरसहित आज दिउँसो पक्राउ गरेको इलाका प्रहरी कार्यालय तुलसीपुरका प्रमुख प्रहरी नायब उपरिक्षक शिबबहादुर सिंहले जानकारी दिएका छन् ।पक्राउ परेकी महिला उच्च अदालत सुर्खेत जुम्ला इजलासका न्यायाधिस मदन पोखरेलकी श्रीमती हुन्। ।

प्रहरीले तुलसीपुर बजारस्थित पोखरेलको घर अगाडि पार्किङ गरेर राखेको पोखरेलको रा ५ प ७१४६ नम्बरको स्कुटरको डिक्कि भित्र प्लास्टिकमा राखेको अवस्थामा बरामद गरेको जानकारी दिएको छ। प्लाष्टिकसहित तौलगर्दा २ ग्राम २२ मिलिग्राम ब्राउनसुगर बरामद भएको डिएसपी सिंहले बताए। पोखरेललाई इप्रका तुलसीपुरको हिरासतमा राखिएको छ। उनी न्यायाधीश पोखरेलकी कान्छी श्रीमती हुन् ।उनीमाथि लागूऔषध सम्बन्धि मुद्दा चलाइने प्रहरीले बताएको छ।

प्रकाशित मिति: आइतबार, फागुन १६, २०७७ १९:०१