प्रहरी बनाइदिने भन्दै पैसा ठगी गरेका आशिष मल्ल ठकुरीविरुद्द थप २ जनाको उजुरी

सुरक्षा-अपराध

गृहपृष्ठ
सुरक्षा-अपराध
प्रहरी बनाइदिने भन्दै पैसा ठगी गरेका आशिष मल्ल ठकुरीविरुद्द थप २ जनाको उजुरी

प्रहरी बनाइदिने भन्दै पैसा ठगी गरेका आशिष मल्ल ठकुरीविरुद्द थप २ जनाको उजुरी

शुक्रबार, फागुन २८, २०७७ बागेश्वरी पोस्ट

आशिष मल्ल ठकुरी

अनिल गौतम /नेपालगन्ज। आफुलाई कहिले पत्रकार त कहिले सामाजिक अभियन्ता बताउदै हिड्ने राप्तीसोनारीका आशिष मल्ल ठकुरीविरुद्द उजुरी हाल्नेहरुको संख्या बढिरहेको छ।

प्रहरी बनाइदिने भन्दै लाखौ रुपैयाँ ठगी गरेर पक्राउ परेका राप्तीसोनारी गाउँपालिका ६ का ठकुरीविरुद्द थप दुई जनाले जाहेरी दिएका छन्। जिल्ला प्रहरी कार्यालय बाँकेमा आज बाँके र बर्दियाका थप दुई जना युवकले प्रहरी बनाइदिने भनेर पैसा लिएको भन्दै शाहीविरुद्द जाहेरी दिएको मुद्दा शाखा प्रमुख प्रहरी निरीक्षक ईश्वर देव गिरीले जानकारी दिएका छन्।

प्रहरी निरीक्षक गिरीका अनुसार जाहेरी दिने बर्दिया राजापुरका एक जना र नेपालगन्ज १६ का अर्का एक जना रहेका छन्। पक्राउ परेका शाहीले राजापुरका युवकबाट २ लाख रुपैयाँ र नेपालगन्जका अर्का युवकबाट १ लाख रुपैयाँ लिएको प्रहरी निरीक्षक गिरीले बताए।

शाहीले आफ्नो पहुँच राजनीतिक दलका शिर्षथ नेताहरु रहेको प्रहरी बनाइदिने भन्दै अहिलेसम्म ९ लाख रुपैयाँ ठगी गरेको खुल्न आएको छ। पक्राउ परेका शाहीको आज म्याद थप गरि ठगी मुद्दा दर्ता गरि शाहीसंग थप अनुसन्धान भईरहेको प्रहरी निरीक्षक गिरीले जानकारी दिएका छन्।

प्रहरी बनाइदिने भन्दै पैसा ठग्ने शाहीलाई बिहिबार राप्तीसोनारी ६ बाट पक्राउ गरिएको थियो। समाचार सार्बजनिक भएपछी शाहीले बनाएका पिडितहरु थपिने क्रम बढिरहेको छ। शाहीले सल्यान २ जनाबाट ६ लाख रुपैयाँ ठगी गरेपछि पिडितहरुको जाहेरीको आधारमा पक्राउ गरिएको थियो।

हेरौ, शाहीविरुद्द अरु क-कसले उजुरी दिने हुन् त्यो भने हेर्न बाँकी छ।

प्रकाशित मिति: शुक्रबार, फागुन २८, २०७७ १७:३९

प्रतिक्रिया दिनुहोस्