बनकट्टीका सई रणधीर जैशीले दिए धम्की, तरुण दलले दियो आन्दोलनको चेतावनी

सुरक्षा-अपराध

गृहपृष्ठ
सुरक्षा-अपराध
बनकट्टीका सई रणधीर जैशीले दिए धम्की, तरुण दलले दियो आन्दोलनको चेतावनी

बनकट्टीका सई रणधीर जैशीले दिए धम्की, तरुण दलले दियो आन्दोलनको चेतावनी

शुक्रबार, चैत ६, २०७७ बागेश्वरी पोस्ट

नेपालगन्ज । जिल्ला प्रहरी कार्यालय बाँके अन्तर्गत् इलाका प्रहरी कार्यालय बनकट्टीका बिबादास्पद प्रहरी नायब निरीक्षक रणधीर जैशीले धम्की दिएकोप्रति नेपाल तरुण दल नेपालगन्जले आन्दोलन गर्ने चेतावनी दिएको छ ।

प्रहरी नायब निरीक्षक जैशीले नेपालगन्ज तरुण दलका नगर सभापति सन्दीपजंग शाहलाई आज फेसबुकको म्यासेज मार्फत् कपोलकल्पित समाचारको विषयलाई लिएर दिएको धम्कीको बिषयमा तरुण दल नेपालगन्जले विज्ञप्ती मार्फत् ध्यानाकर्षण भएको जनाएको छ ।

तरुण दलले प्रहरी नायब निरीक्षक जैशीको यो कार्यप्रति घोर भत्र्सना समेत गरेको छ । नगर सभापति शाहलाई समेत उक्त समाचारको बिषयमा जानकारी नै नभएको अवस्थामा सोही समाचारका बिषयमा जैशीले धम्कीपूर्ण भाषा प्रयोग गरेर मानहानी गरेकाले तरुण दलले घोर आपत्ति प्रकट गरेको नगर सदस्य आयुष शाह र सम्भ्रान्त बिक्रम शाहद्वारा हस्ताक्षरित विज्ञप्तीमा भनिएको छ।

तरुण दलले बास्तबिक कुरा नबुझी धम्कीको पारामा आक्षेप लगाएर सामाजिक सन्जालको दुरुपयोग बन्द गर्न नायब निरीक्षक जैशीलाई चेतावनी दिएको छ । यस्ता कार्य बन्द नगरेमा तरुण दलले कडा आन्दोलन गर्ने चेतावनी दिएको छ ।

नायब निरीक्षक जैशी इलाका प्रहरी कार्यालय कोहलपुरको मुद्दा शाखामा कार्यरत रहँदा खोलाका ठेकेदार लागायत अन्य यातायात व्यवसायीहरुसंग पैसा लिएको आरोप लागेको थियो । बिबादमा आएका प्रहरी नायब निरीक्षक जैशीलाई जिल्ला प्रहरी बाँके तानिएको थियो।

कोहलपुरबाट आरोप लागेर तानिएका जैशीलाई जिल्ला प्रहरी बाँकेले उल्टै इलाका प्रहरी बनकट्टीको कमान्डर बनाएर पठाएको छ ।