गैंडाको सुन जडित बहुमूल्य खागसहित कोहलपुरबाट २ जना पक्राउ

सुरक्षा-अपराध

गृहपृष्ठ
सुरक्षा-अपराध
गैंडाको सुन जडित बहुमूल्य खागसहित कोहलपुरबाट २ जना पक्राउ

गैंडाको सुन जडित बहुमूल्य खागसहित कोहलपुरबाट २ जना पक्राउ

शुक्रबार, चैत ६, २०७७ बागेश्वरी पोस्ट

कोहलपुर ( बाँके) । इलाका प्रहरी कार्यालय कोहलपुरको कमाण्ड सम्हालेको छोटो समयमै बिभिन्न अपराधी तथा बन्यजन्तु तस्करलाई धमाधम पक्राउ गर्दै गएका प्रहरी नायब उपरीक्षक रबिन्द्र खनालले एकपछि अर्को राम्रो कार्य गर्दै आएका छन् ।

कहिले बन्दुकसहित शिकारी होस् या त हत्यारा नै होस् प्रहरी नायब उपरीक्षक खनालले अपराध गर्नेलाई जेलको हावा खुवाउँदै आउने क्रममा इलाका प्रहरी कार्यालय कोहलपुरले गैंडाको त्रिभुज आकारको बहुमूल्य खागसहित आज दुई जनालाई पक्राउ गरेको छ ।

बिशेष सुचनाका आधारमा इलाका प्रहरी कार्यालय कोहलपुरका प्रमुख प्रहरी नायब निरीक्षक खनालको कमाण्डमा गएको टोलीले दिउँसो डेढ बजे गैंडाको खागसहित दुई जनालाई पक्राउ गर्न सफल भएको हो । खागसहित पक्राउ पर्नेमा नवलपरासी बुलिङ्टार गाउँपालिका वडा नम्बर २ का ३५ बर्षीय कृष्ण पुलामी मगर र सिन्धुली ग्यङ्लेख गाउँपालिका वडा नम्बर ५ का ३४ बर्षीय सुरेश सिंजाली रहेको प्रहरी नायब उपरीक्षक खनालले जानकारी दिएका छन् ।

बिगत लामो समयदेखि कोहलपुर आसपासमा बसेर बन्यजन्तु चोरी तस्करीमा संग्लन रहेको बिशेष सूचनाका आधारमा प्रहरी नायब उपरीक्षक खनालको टोलीले पछ्याउने क्रममा निज दुई जना हिँडिरहेको अवस्थामा कोहलपुर ११ बाट चेकजाँच गर्ने क्रममा त्रिभुज आकारको बहुमूल्य खाग बरामद भएको हो ।

चेकजाँचका क्रममा खनालको टोलीले कृष्ण पुलामी मगरको साथबाट त्रिभुज आकारको गैंडाको २ थान गैंडाको खाग बरामद भएको थियो । पक्राउ परेका मगर र सिंजालीले पक्राउ परिहाले भने पनि प्रहरीलाई झुक्याउने उद्देश्यका साथ खागमा सुनको जलप टाँसेर हिँडेको खनालले बताए । उनीहरु दुवै जनाले उक्त सुन जडित खागलाई १ करोडमा बेच्ने योजना रहेको बताएको प्रहरी नायब उपरीक्षक खनालले बताए ।

बरामद गरिएको २ थान खागलाई आबश्यक अनुसन्धानका लागि जिल्ला बन कार्यालय बाँके बुझाइने प्रहरी नायब उपरीक्षक खनालले जानकारी दिएका छन् । इलाका प्रहरी कार्यालय कोहलपुरले बिहिबार साँझ मात्रै रेड पाण्डाको १ थान छाला, कालो भालुको २ थान पित्त र कस्तुरीको विणासहित तीन जनालाई पक्राउ गरेको थियो ।

प्रकाशित मिति: शुक्रबार, चैत ६, २०७७ १६:४३

प्रतिक्रिया दिनुहोस्