चिउरा उद्योगमा आगलागी, एकको मृत्यु, २४ घाइते !

सुरक्षा-अपराध

गृहपृष्ठ
सुरक्षा-अपराध
चिउरा उद्योगमा आगलागी, एकको मृत्यु, २४ घाइते !

चिउरा उद्योगमा आगलागी, एकको मृत्यु, २४ घाइते !

बिहीबार, चैत १२, २०७७ बागेश्वरी पोस्ट

बर्दिया । विहिबार विहान गुलरियाको सुरजपुर एकाएक तनाबग्रस्त बन्यो । वडा नम्बर ८ सुरजपुरस्थित सुरजपुर चिउरा उद्योगमा विहान ९ बजेतिर आगलागी भएपछि भागदौड मच्चियो । उद्योगमा रहेका कर्मचारी, कामदार भागाभाग गर्न थाले । एक्कासी ठूलो आगो दन्किएपछि ज्यान जोगाउन भागदौड चल्यो ।

आगलागीको सनसनीपूण खबर जताततै फैलिएपछि केही समयमा आगो नियन्त्रणमा लिन तीन वटै सुरक्षा निकायका करिब १ सय ५० जना सुरक्षाकर्मी आगलागी स्थल पुगे । जिल्लाभरका ३ वटा दमकल आगो निभाउन परिचालन भए । तर, आगो नियन्त्रणमा आउँदासम्म एक जनाले ज्यान गुमाउनुका साथै २४ जना जलेर घाइते भइसकेका थिए । आगालागीबाट चिउरा उद्योगका सबै यन्त्र जलिसकेका थिए ।

उद्योगसंगै जोडिएका खरले छाएका ४ वटा घर पनि जले । सबै गरेर करिब ९० लाख जतिको सामान जलेर नष्ट भएको अनुमान गरिएको छ । आगलागीको कारण पत्ता नलागेपनि विद्युत लाइन सट हुँदा आगलागी भएको हुन सक्ने अनुमान गरिएको छ ।

तर, यो वास्तविक घटना नभएर आगलागी हुँदा कसरी नियन्त्रणमा लिने, उद्धार कसरी गर्ने भन्ने विषयमा गरिएको पूर्व अभ्यास थियो । गर्मी बढेसंगै आगलागीका घटना बढ्न सक्ने हुँदा पूर्व अभ्यासका लागि कृत्रिम घटना अभ्यास गरिएको सशस्त्र प्रहरी बल नेपाल नेपाल नम्बर ३१ गणका सशस्त्र प्रहरी उपरीक्षक नर बहादुर रावतले बताउनुभयो ।