लागूऔषध खुवाई जबरजस्ती करणी गर्ने पक्राउ

सुरक्षा-अपराध

गृहपृष्ठ
सुरक्षा-अपराध
लागूऔषध खुवाई जबरजस्ती करणी गर्ने पक्राउ

लागूऔषध खुवाई जबरजस्ती करणी गर्ने पक्राउ

बिहीबार, चैत १२, २०७७ बागेश्वरी पोस्ट

नेपालगञ्ज । लागूऔषध खुवाई जबरजस्ती करणी गर्ने एक जना पक्राउ परेका छन् ।

नेपालगञ्ज उपमहानगरपालिका वडा नम्बर २० राँझाकी १९ बर्षीया यु्वतीलाई लागूऔषध खुवाई जबरजस्ती करणी गरेर फरार रहेका हुम्लाका २४ बर्षीय मिम बहादुर बुढा काठमाण्डौको हाँडीगाउँबाट पक्राउ परेका हुन् ।

प्रहरीका अनुसार बुढाले युवतीलाई घरबाट भ्रमणमा जाने वाहनामा गत मंसिर ५ गते बाँकेको वैजनाथ गाउँपालिका वडा नम्बर १ स्थित गाभर भ्यालीको होमस्टे भित्र लगी जुसमा लागूऔषध नाइट्राजेपाम मिसाई खुवाएर वेहोस पारी जबरजस्ती करणी गरेर फरार भएका थिए ।

काठमाण्डौंमा लुकीछिपी बसेको भन्ने सूचनाको आधारमा जिल्ला प्रहरी कार्यालय बाँकेबाट खटिएको विशेष प्रहरी टोलीले प्रहरी प्रधान कार्यालय केन्द्रीय अनुसन्धान व्यूरो काठमाण्डौ समेतको सहयोगमा बुढालाई चैत ८ गते काठमाण्डौ हाडीगाँउबाट पक्राउ गरेको हो । घटनाबारे थप अनुसन्धान भइरहेको प्रहरीले जनाएको छ ।

प्रकाशित मिति: बिहीबार, चैत १२, २०७७ १३:१४