बाँकेको कम्दीमा डियुटीमै रहेका प्रहरी जवान यादबमाथि आक्रमण

सुरक्षा-अपराध

गृहपृष्ठ
सुरक्षा-अपराध
बाँकेको कम्दीमा डियुटीमै रहेका प्रहरी जवान यादबमाथि आक्रमण

बाँकेको कम्दीमा डियुटीमै रहेका प्रहरी जवान यादबमाथि आक्रमण

बिहीबार, चैत १२, २०७७ बागेश्वरी पोस्ट

नेपालगन्ज । बाँकेको कम्दीमा प्रहरीमाथि आक्रमण भएको छ ।

डुडुवा गाउँपालिका वडा नम्बर ५ स्थित इलाका प्रहरी कार्यालय कम्दीका प्रहरी जवान श्रवण यादवलाई टिपरमा आएका व्यक्तिहरुले आक्रमण गरेका हुन् ।

गएराति टिपरमा सालको काठ लोड गरी ल्याउँदै गरेको अवस्थामा कम्दीका प्रहरी जवान यादवले रोक्न खोजेपछि उहाँमाथि हातपात भएको हो ।

आक्रमण गर्ने चारै जना फरार छन् । कम्दी नहर तर्फबाट बालुवामाथि सालको काठ लोड गरेर आउँदै गरेको ना ८ ख ८२२८ नम्बरको टिपरलाई रोकेर काठ कम्दी चौकीभित्र लैजान भनेपछि टिपरमा रहेका व्यक्तिहरुले यादवलाई आक्रमण गरी फरार भएको कम्दी चौकीका प्रमुख प्रहरी नायब निरिक्षक लाल बहादुर रानाले बताउनुभयो ।

ड्युटीमै रहेको प्रहरीलाई आक्रमण गर्दै बर्दी समेत च्यातिदिएको नायब निरिक्षक रानाले जानकारी दिनुभयो । टिपर चालकलाई भने प्रहरीले नियन्त्रणमा लिन सफल भएको थियो ।

फरार रहेको टिपर र अन्य चार जनाको खोजी कार्य जारी रहेको प्रहरीले बताएको छ। बरामद गरिएका सालका ३ वटा गोलिया र चालकलाई आजै जिल्ला वन कार्यालय बाँके पाठाइएको प्रहरी नायब निरिक्षक रानाले बताउनुभयो ।

प्रकाशित मिति: बिहीबार, चैत १२, २०७७ १४:०७