दाङमा शिकार खेल्न गएका एक शिकारीको गोली लागेर मृत्यु

सुरक्षा-अपराध

गृहपृष्ठ
सुरक्षा-अपराध
दाङमा शिकार खेल्न गएका एक शिकारीको गोली लागेर मृत्यु

दाङमा शिकार खेल्न गएका एक शिकारीको गोली लागेर मृत्यु

शनिबार, चैत १४, २०७७ बागेश्वरी पोस्ट

नेपालगन्ज । दाङको घोराहीस्थित उत्तर तर्फको भित्री जंगलमा शिकार खेल्न गएका एक जनाको गोली लागेर मृत्यु भएको छ।
शिकार खेल्न गएका दूई मध्य एक जनाको गोली लागेर मृत्यु भएको प्रहरीले जानकारी दिएको छ। गोली लागेर मृत्यु हुनेमा घोराही उपमहानगरपालिका वडा नं १३ का ५० बर्षीय टेकबहादुर गुरुङ रहेका छन्।

घोराही वडा नं १२ को जंगल क्षेत्रमा शुक्रवार राति शिकार खेल्न गएका गुरुङको गोली लागेर घटनास्थलमै मृत्यु भएको प्रहरीले जानकारी दिएको छ ।
गुरुङलाई गोली चलाउने व्यक्तिलाई पनि प्रहरी पहिचान गरि नियन्त्रणमा लिइसकेको जिल्ला प्रहरी कार्यालय दाङले जानकारी दिएको छ। नियन्त्रणमा लिइएका व्यक्तीको पहिचान भने प्रहरीले गोप्य राखी थप अनुसन्धान गरिरहेको प्रहरीले जानकरी दिएको छ ।

प्रकाशित मिति: शनिबार, चैत १४, २०७७ १३:५७