बाँके प्रहरीद्वारा होलीमा ७६ जना युवाहरु पक्राउ

सुरक्षा-अपराध

गृहपृष्ठ
सुरक्षा-अपराध
बाँके प्रहरीद्वारा होलीमा ७६ जना युवाहरु पक्राउ

बाँके प्रहरीद्वारा होलीमा ७६ जना युवाहरु पक्राउ

मंगलबार, चैत १७, २०७७ बागेश्वरी पोस्ट

नेपालगन्ज । बाँकेमा होली खेल्ने क्रममा होहल्ला गर्दै उच्छृङ्खल गतिविधि गर्ने ७६ जना प्रहरीको फन्दामा परे ।

हिजो होली खेल्ने क्रममा मादक पदार्थ सेवन गरी झगडा गर्ने, मोटरसाइकलमा तीन जना सवार गर्ने र हेल्मेट नलगाई मोटरसाइकल चलाउने ७६ जनालाई जिल्लाका विभिन्न स्थानबाट पक्राउ गरिएको थियो ।

त्यस क्रममा ६८ वटा मोटरसाइकल समेत नियन्त्रणमा लिइएको थियो। तर, पक्राउ परेका ब्यक्ति र मोटरसाइकललाई कानुन वमोजिम कारवाही गरी आफन्तको जिम्मा लगाइएको बाँके प्रहरीले जनाएको छ ।

भारतमा कोरोनाको दोस्रो लहर तीव्र गतिमा फैलिएपपछि बाँके प्रशासनले सार्वजनिक स्थानमा होली नखेल्न आग्रह गरेको थियो । बाँके प्रहरीले सार्वजनिक सूचना नै जारी गरेर सचेत गराएको थियो ।

प्रकाशित मिति: मंगलबार, चैत १७, २०७७ १३:००

प्रतिक्रिया दिनुहोस्