एउटै गाउँबाट हराएका ७ बालिका र किशोरहरु भारतमा भेटिए

सुरक्षा-अपराध

बुधबार, चैत १८, २०७७ बागेश्वरी पोस्ट

नेपालगन्ज । एकैपटक हराएका ७ जना बालिका र किशोरीहरु भारतमा फेला परेका छन् ।

महोत्तरीको भङ्गाहा नगरपालिका ८ धर्मपुरबाट हराइरहेका सात बालिका र किशोरी भारतमा फेला परेको प्रहरीले जानकारी दिएको छ।

हिजो दिउँसो घाँस काट्न गएका १० देखि १८ वर्षसम्मका सात बालिका र किशोरी अपहरणमा परेको अनुमान गरिएको थियो।

यता,भारतीय प्रहरीको सहयोगमा उनीहरूलाई बिहारको सितामढीबाट उद्धार गरिएको प्रदेश नम्बर २ कार्यालयले जानकारी दिएको छ।

उनीहरु सबै सकुशल छन्। उनीहरूलाई किन भारत लगियो भन्ने अनुसन्धानकै क्रममा रहेको प्रहरीले जानकारी दिएको छ ।

उनीहरुलाई लिन प्रहरी र अभिभावकहरू भारत गइरहेको प्रहरीले जानकारी दिएको छ।

प्रकाशित मिति: बुधबार, चैत १८, २०७७ ११:३३

प्रतिक्रिया दिनुहोस्