नेपालगन्जको जमुनहा नाकामा सुरक्षाकर्मीलाई कटिबद्द भएर लाग्न डिआइजी प्रधानको निर्देशन

सुरक्षा-अपराध

गृहपृष्ठ
सुरक्षा-अपराध
नेपालगन्जको जमुनहा नाकामा सुरक्षाकर्मीलाई कटिबद्द भएर लाग्न डिआइजी प्रधानको निर्देशन

नेपालगन्जको जमुनहा नाकामा सुरक्षाकर्मीलाई कटिबद्द भएर लाग्न डिआइजी प्रधानको निर्देशन

मंगलबार, वैशाख २१, २०७८ बागेश्वरी पोस्ट

नेपालगन्ज । नेपालगन्जको सिमा नाका जमुनहामा स्वास्थ्य सामग्री वितरणका साथै कोरोनाबाट बच्नका लागि जनचेतनामूलक कार्यक्रम गरिएको छ।

नेपालगन्जका मेयर डा. धवल शमशेर राणा, सशस्त्र प्रहरी लुम्बिनी प्रदेशका डिआइजी किशोर प्रधान र नेपाल युनिसेफका प्रमुख लिला खनालको उपस्थितिमा सिमाबाट आउने यात्रु तथा सुरक्षाकर्मीलाई आज स्वास्थ्य सामाग्री वितरण गरिएको हो।

कार्यक्रममा स्वास्थय सामग्री हस्तान्तरण गर्दै सशस्त्र प्रहरीका डिआइजी प्रधानले सिमामा कटिबद्ध भएर तस्करी नियन्त्रण एबम कोरोना नियन्त्रणमा सहयोग गर्न सबै सुरक्षा निकायका प्रमुखहरुलाई निर्देशन दिनुका साथै जमुनहा हेल्थ डेस्कको समेत निरीक्षण गरेका थिए।

सिमा नाकामा गरिएको स्वास्थ्य सामग्री हस्तान्तरण कार्यक्रममा बाँकेका प्रजिअ शिव राम गेलाल, सशस्त्र प्रहरी नम्बर ३० गणका एसपी अशोक बम, सशस्त्र प्रहरी बक नम्बर ४२ रिजर्भ गणका एसपी प्रकाश सुबेदी, जिल्ला प्रहरी बाँके प्रमुख ओम बहादुर राना, बाँके अनुसन्धान बिभाग प्रमुख नरेन्द्र गिरी लगायत अन्य सरकारी निकायका कर्मचारीसहित सुरक्षाकर्मीहरुको उपस्थिति रहेको थियो।

प्रकाशित मिति: मंगलबार, वैशाख २१, २०७८ २३:३६

प्रतिक्रिया दिनुहोस्