साथीको कुटाइबाट वृद्धको मृत्यु

सुरक्षा-अपराध

गृहपृष्ठ
सुरक्षा-अपराध
साथीको कुटाइबाट वृद्धको मृत्यु

साथीको कुटाइबाट वृद्धको मृत्यु

आइतबार, वैशाख २६, २०७८ बागेश्वरी पोस्ट

नेपालगन्ज । मादक पदार्थ सेवनपछि भएको विवादका क्रममा यहाँ एक वृद्धको मृत्यु भएको छ । साथीको कुटाइबाट खिजिदेम्बा गाउँपालिका–१ रगनीको आरुबोटका ६० वर्षीय महेशकुमार खड्काको मृत्यु भएको हो ।

शनिबार बेलुका करीब ८ः४५ बजे स्थानीयवासी ५० वर्षीय प्रेमबहादुर सुनुवार र खड्काबीच मादक पदार्थ सेवन गरी कुटाकुट हुँदा खड्काको घटनास्थलमा नै मृत्यु भएको जिल्ला प्रहरी कार्यालयका प्रमुख गोविन्दराज काफ्लेले जानकारी दिए ।

प्रहरीका अनुसार सुनुवारले खड्काकै घरमा आएर कुटपिट गरेका थिए। दुवै जनाले मदिरा सेवन गरेका थिए। घरैमा आएर सुनुवारले हत्या गरेको भन्दै खड्काका परिवारले कारवाहीको माग गरेका छन् ।

शव परीक्षण गर्ने तयारी भइरहेको छ। कुटाकुटका क्रममा सुनुवारसमेत घाइते भएकाले स्थानीय क्लिनिकमा उपचारपश्चात् इलाका प्रहरी कार्यालय खिजिफलाटेले नियन्त्रणमा लिएको छ। घटनाको विषयमा थप अनुसन्धान भइरहेको जिल्ला प्रहरी कार्यालयले जनाएको छ

प्रकाशित मिति: आइतबार, वैशाख २६, २०७८ १५:२९

प्रतिक्रिया दिनुहोस्