बाँकेमा रेम्डिसिभिरको कालोबजारी गर्ने गौतम बुद्ध फार्मेसीलाई २ लाख जरिवाना

सुरक्षा-अपराध

गृहपृष्ठ
सुरक्षा-अपराध
बाँकेमा रेम्डिसिभिरको कालोबजारी गर्ने गौतम बुद्ध फार्मेसीलाई २ लाख जरिवाना

बाँकेमा रेम्डिसिभिरको कालोबजारी गर्ने गौतम बुद्ध फार्मेसीलाई २ लाख जरिवाना

मंगलबार, वैशाख २८, २०७८ बागेश्वरी पोस्ट

नेपालगन्ज । कोरोना संक्रमित बिरामीहरुले अति आबश्यक्रहेको रेम्डिसिभिर औषधीको कालोबजारी गर्ने औषधी पसललाई दुई लाख रुपैयाँ जरिवाना गरिएको छ। कोरोना संक्रमित बिरामी बढीरहेको बेला बजारमा चर्को मूल्यमा रेम्डिसिभिरको अभाव सृजना गरि चर्को मूल्यमा बेच्दै गरेको नेपालगन्ज मेडिकल कलेज भित्रको गौतम बुद्ध फार्मेसीलाई वाणिज्य, आपूर्ति तथा उपभोक्ता संरक्षण कार्यालय, नेपालगन्जले दुई लाख रुपैयाँ जरिवाना गरेको हो।

वाणिज्य, आपूर्ति तथा उपभोक्ता संरक्षण कार्यालयले उक्त फार्मेसीमा चैत्र र बैशाख महिनामा ७०७ भाएल रेम्डिसिभिर आएको र त्यसमध्ये ३६६ कोहलपुर डिपोमा पठाइएको, २५८ भाएल बिक्री गरिएको, ५१ भाएल संक्रमित हस्पिटल र फार्मेसी स्टाफहरुलाई दिइएको, ११ भाएल स्टक रहेको देखिएको जनाएको छ।

तर उक्त मेडिकल पसलले २१ भाएल रेम्डिसिभिर बिना बिल बिक्री वितरण गरेको पाइएकोले उपभोक्ता संरक्षण ऐन अनुसार दुई लाख जरिवाना गरिएको वाणिज्य, आपूर्ति तथा उपभोक्ता संरक्षण कार्यालय नेपालगन्जका सूचना अधिकारी देवीलाल चौलागाईंले बताए ।

यस्तै औषधी बिक्री गर्दा बिल अनिवार्य जारी गर्न र बिलमा मिति, खरिद कर्ताको नाम, औषधीको नाम, ब्याच नम्बर आदि उल्लेख गर्न निर्देशन समेत दिइएको सुचना अधिकारी चौलागाईंले भने ।

कोरोना महामारी बढीरहेको बेलामा यस्ता गलत कार्य गरेको पाइएमा कसैलाई नछाड्ने चौलागाईंले जानकारी दिएका छन् ।

प्रकाशित मिति: मंगलबार, वैशाख २८, २०७८ ०८:१२